Qazaqstan táýelsizdik jyldarynda básekege qabiletti orta qalyptastyrý úshin kúrdeli joldan ótti. Bul týraly QR Tuńǵysh Prezidenti-Elbasy qorynyń atqarýshy direktory Áset Isekeshev elordada ótip jatqan Jahandyq innovatsiialyq sammitte aitty, dep habarlaidy QazAqparat.
«Qazaqstan táýelsizdiktiń 30 jylynda básekege qabiletti orta qalyptastyrý úshin kúrdeli joldan ótti. Táýelsizdik jyldary Tuńǵysh Prezident-Elbasynyń basshylyǵymen tabysty qurylymdyq reformalar júrgizildi. Sammitke kelgen sheteldik qonaqtarǵa táýelsizdiktiń alǵashqy jyldarynda memleket jalaqy men zeinetaqy tólei almaǵan kez bolǵanyn, Qazaqstan giperinfliatsiiaǵa, turaqty biýdjet tapshylyǵyn aitqym keledi. Jumyssyzdar sany eki million adamǵa jetti, 130 eń iri kásiporyn toqtap, JIÓ bir jyl ishinde 60% - ǵa tómendedi», - dep eske saldy Áset Isekeshev.
Sonymen qatar, JIÓ táýelsizdik jyldary 11 mlrd dollardan 170 mlrd dollarǵa deiin óskenin atap ótti.
«Ortalyq Aziiadaǵy sheteldik investitsiialar kóleminiń 70%-ǵa jýyǵy Qazaqstanǵa tiesili. Elge 300 mlrd dollar tikelei sheteldik investitsiia salyndy, bul barlyq iri damyǵan elderden investorlardyń senimin kórsetti. El biznesti júrgizý jeńildigi boiynsha 28-shi orynda, jahandyq básekege qabilettilik indeksi boiynsha 59-shy orynda tur. Ómir súrý uzaqtyǵy 72,5 jasqa jetti. Qazaqstan adami kapitaldy damytýdyń ozyq baǵdarlamalaryn iske qosty. 90-shy jyldary Elbasy «Bolashaq» baǵdarlamasyn iske qosty. Keiin basqa da jobalar iske qosyldy, onyń ishinde «Nazarbaev Ýniversiteti» de bar. «Bolashaq» baǵdarlamasy boiynsha úzdik sheteldik joǵary oqý oryndarynda 10 myńnan astam maman daiyndaldy», - dep tolyqtyrdy Áset Isekeshev.
