بوكستان توكيو وليمپياداسىنا ٸرٸكتەۋ اينالىمىنىڭ پاريجدە ۇيىمداستىرىلۋى تيٸس فينالدىق كەزەڭٸ ٶتكٸزٸلمەيدٸ, دەپ حابارلايدى olympic.kz.
حالىقارالىق وليمپيادا كوميتەتٸ مۇنداي شەشٸمدٸ قابىلداۋىنا سپورتشىلاردىڭ دەنساۋلىعى مەن قاۋٸپسٸزدٸگٸن ساقتاۋ مەسەلەسٸ سەبەپ بولعان. حوك كوروناۆيرۋستى ينفەكتسيياعا قاتىستى ەلەمدەگٸ احۋالدى ەسكەرە وتىرىپ, ايماقتىق ٸرٸكتەۋ تۋرنيرلەرٸنەن بٶلەك جولدامانى رەيتينگ ارقىلى ٷلەستٸرۋدٸ جٶن سانادى.
«بٸز بارشاڭىزدىڭ بوكستان توكيو-2020 وليمپياداسىنا ٸرٸكتەۋ تۋرنيرلەرٸن ٶتكٸزۋگە قوسقان ٷلەسٸڭٸزدٸ جوعارى باعالايمىز. بۇل جولدا بٸزدٸڭ باستى باسىمدىعىمىز سپورتشىلار بولعانى انىق. وسى ورايدا, حوك حالىقارالىق جول قاتىناستارى مەن ەلەم ەلدەرٸندەگٸ شەكتەۋلەردٸ تولىعىمەن زەرتتەدٸ. سوڭعى ون كٷن ٸشٸندە بٸز ۇلتتىق وليمپيادالىق كوميتەتتەرمەن جەنە فەدەراتسييالارمەن, تەحنيكالىق, مەديتسينالىق ماماندارمەن, سونداي-اق, بوكسشىلارمەن اقىلداسا كەلە, بوكستان وليمپياداعا ٸرٸكتەۋ تۋرنيرٸنٸڭ جوسپارىنا ٶزگەرٸس ەنگٸزدٸك. ٶزگەرٸس ەنگٸزۋ بارىسىندا بٸز ٸرٸكتەۋ تۋرنيرلەرٸنٸڭ اراسىنداعى دەمالىس ۋاقىتىنىڭ كەم دەگەندە 30 كٷنگە جەتۋٸن, بوكسشىلاردىڭ ٸرٸكتەۋ دوداسىنا, سونداي-اق, وليمپيادا ويىندارىنا تيٸستٸ دەڭگەيدە دايىندالۋىن باستى مٸندەتتەر قاتارىنا قويدىق. سونىمەن قاتار, مەملەكەتتەر اراسىنداعى جول ساپارلارىنا شەكتەۋدٸڭ ەنۋٸ مەن كارانتين تالاپتارىنىڭ ٶزگەرۋٸ سپورتشىلاردىڭ تيٸستٸ دەڭگەيدە دايىندالۋىنا كەدەرگٸ كەلتٸرەتٸنٸ انىق بولدى», - دەلٸنگەن حابارلامادا.
وسىلايشا, 2021 جىلدىڭ ماۋسىمىنا جوسپارلانعان پاريجدەگٸ ەلەمدٸك ٸرٸكتەۋ تۋرنيرٸ ٶتكٸزٸلمەيدٸ. فينالدىق ٸرٸكتەۋ سىنىندا ەرلەر 32, ەيەلدەر 21 جولدامانى ساراپقا سالۋى تيٸس بولاتىن. ەندٸ اتالعان جولدامالار وليمپيادالىق سالماقتار بويىنشا تٶرت قۇرلىققا (ازييا/وكەانييا, افريكا, ەۋروپا, امەريكا) تەڭ بٶلٸنەدٸ.
بوكستان قازاقستان ەيەلدەر كومانداسىنىڭ ەنشٸسٸندە 75 كەلٸگە دەيٸنگٸ سالماقتا نادەجدا ريابەتس ەنشٸلەگەن جالعىز جولداما بار. قازٸرگٸ سەتتە بوكستان قىزدار كومانداسىنىڭ ٶزگە مٷشەلەرٸندە وليمپياداعا باراتىن مٷمكٸندٸك از. ٶيتكەنٸ, ەلەمدٸك رەيتينگٸدە ولاردىڭ شەكتٸ مەجەدەن ٶتۋ مٷمكٸندٸگٸ تٶمەن كٶرسەتٸلگەن. ناقتى شەشٸم ايماقتىق ٸرٸكتەۋ تۋرنيرلەرٸ تٷگەل اياقتالعان سوڭ انىقتالماق.
بٷگٸنگە دەيٸن ازييا/وكەانييا ايماعى مەن افريكاداعى ٸرٸكتەۋ دوداسى اياقتالدى. ال قۇرلىقتىق بەسەكەلەر امەريكادا 10-16 مامىر ارالىعىندا, ال ەۋروپادا ماۋسىم ايىندا ٶتەدٸ دەپ بولجانعان.
ەسكە سالا كەتەيٸك, قازاقستان ەرلەر كومانداسى يوردانييانىڭ اممان قالاسىندا ٶتكەن ايماقتىق ٸرٸكتەۋ تۋرنيرٸندە بارلىق ليتسەنزيياعا قول جەتكٸزدٸ. توكيو تٶرٸندە سەكەن بيبوسىنوۆ (52 كەلٸ), سەرٸك تەمٸرجانوۆ (57 كەلٸ), زەكٸر سافيۋللين (63 كەلٸ), ابىلايحان جٷسٸپوۆ (69 كەلٸ), ەبٸلحان امانقۇل (75 كەلٸ), بەكزاد نۇردەۋلەتوۆ (81 كەلٸ), ۆاسيليي لەۆيت (91 كەلٸ), قامشىبەك قوڭقاباەۆ (+91 كەلٸ) سىنعا تٷسەدٸ.
