فوتو: شىمكەنت قالاسىنىڭ ەكٸمٸدٸگٸ
شىمكەنت ەكٸمٸ عابيت سىزدىقبەكوۆ ەلەم جەنە ازييا چەمپيوندارىمەن كەزدەسٸپ, جيىندا جەڭٸمپازدارعا اۆتوكٶلٸكتەر مەن باعالى سىيلىقتار تابىستالعان. بۇل تۋرالى قالا ەكٸمٸنٸڭ باسپاسٶز قىزمەتٸ حابارلادى.
ۆەدومستۆونىڭ مەلٸمەتٸنشە, شىمكەنت ەكٸمٸ بوكستان ەلەم چەمپيوندارى اعايىندى ماحمۇد جەنە تٶرەحان سابىرحاندى, بانگكوك قالاسىندا ٶتكەن جاستار اراسىنداعى ازييا چەمپيوناتىندا التىن مەدال العان سانجار-ەلي بەگاليەۆتٸ, توعىزقۇمالاقتان ٷش دٷركٸن ەلەم چەمپيونى عالىمجان تەمٸرباەۆتى, سونداي-اق قازاق كٷرەسٸنەن ەسكەريلەر اراسىنداعى ەلەم چەمپيونى جۇماجان قوجامبەكوۆتى قابىلداعان.
ماقتانىش پەن شابىتقا تولى اتموسفەرا اياسىندا سپورتشىلار العان ەسەرلەرٸن بٶلٸسسە, قالا باسشىسى ولاردىڭ تاماشا جەتٸستٸكتەرٸنٸڭ بٷكٸل ەل ٷشٸن ماڭىزدى ەكەنٸنە توقتالعان.
"ەرٸك-جٸگەر, تەرتٸپ پەن سپورتقا دەگەن ادالدىق وسىنداي نەتيجەلەرگە جەتەلەيدٸ. سپورتشىلارىمىزدىڭ جەتٸستٸكتەرٸ جاستاردى شابىتتاندىرادى جەنە قازاقستاننىڭ ەلەمدٸك ارەناداعى بەدەلٸن نىعايتادى", - دەدٸ عابيت سىزدىقبەكوۆ.
جيىن سوڭىندا قالا باسشىسى چەمپيونداردى قۇتتىقتاپ, باپكەرلەرٸ مەن تەلٸمگەرلەرٸنە العىس ايتىپ, جاڭا جەتٸستٸكتەر مەن جارقىن جەڭٸستەر تٸلەگەن.
ال جەڭٸمپازدارعا دەمەۋشٸلەر ەسەبٸنەن اۆتوكٶلٸكتەر مەن باعالى سىيلىقتار تابىستالعان.
ايتا كەتەلٸك, بوكستان انگلييانىڭ ليۆەرپۋل قالاسىندا ٶتكەن ەلەم چەمپيوناتىندا قازاقستان قۇراماسى 7 التىن, 1 كٷمٸس جەنە 2 قولا مەدال جەڭٸپ الىپ, جالپىكوماندالىق ەسەپتە بٸرٸنشٸ ورىن الدى.
بۇل ەلەمدٸك دودادا ماحمۇد سابىرحان التىن مەدال ەنشٸلەپ, ەكٸ دٷركٸن ەلەم چەمپيونى اتانسا, ونىڭ 19 جاستاعى ٸنٸسٸ تٶرەحان ەرەسەكتەر اراسىنداعى ەلەم بٸرٸنشٸلٸگٸنە العاش رەت قاتىسىپ, جەڭٸس تۇعىرىنا كٶتەرٸلدٸ.
