قازاقستاندىق بوكسشى ابىلايحان جٷسٸپوۆ رەسەيدٸڭ ەكاتەرينبۋرگ قالاسىندا ٶتٸپ جاتقان ەلەم چەمپيوناتىن سەتتٸ باستادى, دەپ حابارلايدى "ۇلت اقپارات".
قازاقستاندىق بوكسشى 69 كەلٸ سالماقتا 1/8 فينالدىق سايىستا تايلاندتىق ۆۋتتيچاي ماسۋكپەن قولعاپ تٷيٸستٸرەدٸ. قارسىلاسى بۇعان دەيٸن ەكٸ مەرتە ازييا چەمپيونى جەنە 2015 جىلى ەلەم چەمپيوناتىندا قولا جٷلدەگەر اتانعان.
ابىلايحان قازٸرگە دەيٸن 2017 جىلى ازييا چەمپيوناتىندا التىن السا, سول جىلى ەلەم چەمپيوناتىندا قولا جٷلدەگە قول سوزعان بولاتىن. سوندىقتان بٷگٸنگٸ بەسەكەدە ٶزٸن جاقسى قىرىنان كٶرسەتتٸ. تٶرەشٸلەر بٸراۋىزدان قازاقستاندىق بوكسشىنىڭ جەڭٸسٸن مويىندادى. نەتيجەسٸندە ول قارسىلاسىنان 5:0 ەسەبٸمەن باسىم تٷسٸپ, شيرەك فينالعا جولداما الدى.
بٷگٸن تاعى بٸر قازاقستاندىق بوكسشى تۇرسىنباي قۇلاحمەت شارشى الاڭعا شىعادى. كەشكٸ جەكپە-جەكتەر نۇر-سۇلتان ۋاقىتىمەن 20.00-دە باستالادى. ول اقش بوكسشىسى حاۆەر مارتينەسپەن شەبەرلٸك بايقاسادى.
بۇعان دەيٸن قازاقستان بوكسشىلارى قاتارىنان قايرات ەراليەۆ (57 كەلٸ) پەن بەكزات نۇردەۋلەتوۆ (81 كەلٸ), ۆاسيليي لەۆيت (91 كەلٸ) جەڭٸسكە جەتٸپ, جارىستىڭ 1/8 ساتىسىنا جولداما الدى.
بيىلعى ەلەم چەمپيوناتىندا قازاقستاندىق قۇراما ساپىندا سەگٸز ساڭلاعىمىز سىنعا تٷسۋدە. ولاردىڭ قاتارىندا سەكەن بيبوسىنوۆ (48 كەلٸ), قايرات ەرەليەۆ (57 كەلٸ), زاكير سافيۋللين (63 كەلٸ), ابىلايحان جٷسٸپوۆ (69 كەلٸ), تۇرسىنباي قۇلاحمەت (75 كەلٸ), بەكزات نۇردەۋلەتوۆ (81 كەلٸ), ۆاسيليي لەۆيت (91 كەلٸ) جەنە قامشىبەك قوڭقاباەۆ (91 كەلٸدەن جوعارى) بار.
