قۇنانبايمەن بٸرگە مەككەدە قوناقٷي سالدىرعان, يسلام دٸنٸن تاراتۋشى دوسجان يشاننىڭ مٶرٸ ەندٸ مۋزەيگە تاپسىرىلادى, دەپ حابارلايدى "ۇلت اقپارات".
اقتٶبە وبلىسى, تەمٸر اۋدانىنىڭ تۇرعىنى بۇعان دەيٸن مٶردٸ 1 ميلليون تەڭگەگە باعالاعان بولاتىن. اۋدان ەكٸمٸ جولداس قالماعانبەتوۆ مٶر شۇبارقۇدىق تۇرعىنىنان دوسجان يشان ۇرپاعىنا بەرٸلگەنٸن, ۇرپاعى ونى مۋزەيگە تاپسىراتىنىن حابارلادى.
«ەرقيلى سەبەپتەرمەن جەكە ادامنىڭ قولىندا ساقتالعان دوسجان حازٸرەتتٸڭ مٶرٸ زاڭدى مۇراگەرٸ, اتانىڭ شٶپشەگٸ اسقار حابيبۋلليننٸڭ قولىنا تيدٸ. اسقار باۋىرىمىز حازٸرەتتەن قالعان قۇران كٸتابى مەن مٶردٸ وبلىستىق مۋزەيگە تاپسىرۋدى ماقسات ەتٸپ وتىر. مٶردە ارابشا: «اللاعا قۇلشىلىق ەتۋشٸ موللا دوسمۋحامماد يبن قاشاق 1248» (حيجرا جىل ەسەبٸمەن) دەپ جازىلعان. قاسيەتتٸ جەدٸگەردٸڭ ەل يگٸلٸگٸنە اينالاتىندىعىنا قۋانىشتىمىن. بابانىڭ مۇراسىن ٸزدەگەن باۋىرىمىز اسقارعا, سونشاما جىل مۇقييات ساقتاعان شۇبارقۇدىقتىڭ تۇرعىنىنا شىنايى العىسىمدى بٸلدٸرەمٸن», - دەپ جازدى اۋدان ەكٸمٸ ج.قالماعانبەتوۆ.
ايتا كەتەيٸك, اۋدانداعى دوسجان يشان مەشٸتٸ قايتا قالپىنا كەلتٸرٸلەدٸ. بۇل جۇمىس كەلەر جىلى اياقتالادى. سونىمەن قاتار حازٸرەت ۇرپاقتارى بۇلاق كٶزٸن اشىپ, ەل يگٸلٸگٸنە پايدالانۋعا بەرٸپ قويعان.
«بۇل مٶر اۋىل تۇرعىنىنىڭ قولىندا 10 جىلعا جۋىق ۋاقىت ساقتالدى. بٸز ٸزدەپ, جان-جاقتان سۇراپ, ساقتاۋشىنى تاپتىق. كٶپ قارجى سۇرادى, بٸراق ورتاق كەلٸسٸمگە كەلدٸك. بٷگٸن تاڭەرتەڭ كەلٸپ, الىپ, العىسىمىزدى بٸلدٸردٸك. ٶزٸمٸزدە https://izbasar.kz/ پورتالى بار. تەك دوسجان حازٸرەتتٸڭ ەمەس, اقتٶبە وبلىسىنداعى يشانداردى, ٸرٸ تۇلعالاردى قوسامىز. قازٸر ٶزٸمٸزدە اتامىز ۇستاعان قۇران كەرٸم بار. پورتالدا ەلەكتروندى نۇسقاسى تۇر. دوسجان يشان قورىمىندا اشىق اسپان استىنداعى مۋزەي بولادى. كەلەر جىلى جۇمىس اياقتالعان سوڭ مٶر مەن كٸتاپتى مۋزەيگە تاپسىرامىن. قۇندى جەدٸگەردٸ تەك بٸر وتباسى ەمەس, ٶسكەلەڭ ۇرپاق كٶرٸپ, بٸلٸپ ٶسۋٸ تيٸس», - دەدٸ دوسجان يشان ۇرپاعى اسقار حابيبۋللين.
دوسجان يشاننىڭ ەكٸ مٶرٸ بولعان. بٸرٸ تٶس مٶرٸ, ەكٸنشٸسٸ قول مٶرٸ. قول مٶرٸ تابىلمادى.
