بلوگەرلەر تەڭگەنٸڭ جاڭا ديزاينىن ۇسىندى, - دەپ حابارلايدى Massaget.kz پورتالى.
بانكنوتالاردا "الاش-وردا" قوزعالىسىنىڭ قايراتكەرلەرٸ بەينەلەنگەن. 500 تەڭگەلٸك بانكنوتتا بٸرتۇتاس تٷركٸستاننىڭ ازاتتىعى مەن تەۋەلسٸزدٸگٸ ٷشٸن كٷرەسكەن سۇلتانبەك قوجانۇلى, 1000 تەڭگەلٸكتە - اقىن, الاشوردالىق مٸرجاقىپ دۋلاتوۆ, 2000 تەڭگەدە – تاعى بٸر الاش قايراتكەرٸ, اقىن, ەدەبيەتتانۋشى احمەت بايتۇرسىنۇلى, 5000-دا – ساياسي قايراتكەر مۇستافا شوقاي, 10 000-دا – كەنەسارى حان, ال 20 000 تەڭگەدە الاش ٷكٸمەتٸ نەگٸزٸن قالاۋشىلاردىڭ بٸرٸ جەنە تٶراعاسى ەليحان بٶكەيحان بەينەلەنگەن.
بۇل يدەيا اۆتورلارى - الماتىلىق جاس-جۇبايلار دياس پەن ەيگەرٸم كامەريدانوۆتار. وسىدان تٶرت جىل بۇرىن ولار ەلەۋمەتتٸك جەلٸدە "بەلگٸسٸز قازاقستان" اۆتورلىق بلوگىن اشقان. بۇل جوبادا ولار ەلٸمٸزدٸڭ مەدەنيەتٸ, سالت-دەستٷرٸ, تاريحى تۋرالى قىزىقتى ماقالالار مەن بەينەروليكتەردٸ بٶلٸسەدٸ.
دياستىڭ ايتۋىنشا, بانكنوتتاردىڭ كٶبٸندە الاشوردالىقتار بەينەلەنگەن. اۆتورلار دەل وسى تۇلعالار قازٸرگٸ قازاق مەملەكەتتٸلٸگٸنٸڭ نەگٸزٸن قالاعانىن اتاپ ٶتتٸ.
"بٸراق كەڭەس ٶكٸمەتٸ كەزەڭٸندە ولار نەگٸزسٸز حالىق جاۋى اتاندى. ولار تۋرالى ەستەلٸكتەردٸ جاڭعىرتۋ ارۋاقتارى (رۋحى– ەسك.) الدىنداعى, كەلەر ۇرپاق الدىنداعى پارىزىمىز دەپ بٸلەمٸن. ال 10 000 تەڭگەلٸك بانكنوتتا قازاقتىڭ سوڭعى حانى – كەنەسارى بەينەلەنگەن", - دەپ تولىقتىردى جٸگٸت.
يدەيانى جٷزەگە اسىرۋعا گرافيكالىق ديزاينەر ەلنورا ماتجانوۆا مەن ۆيدەوينجەنەر ازامات سەرٸكباەۆ كٶمەكتەسكەن.
