استانادا بلوگەرلەر شاۋرما جارناماسى ٷشٸن پوليتسييا قىزمەتكەرٸنە پرانك جاساپ, سوڭىندا بلوگەرلەر قاماۋعا الىندى, دەپ حابارلايدى ult.kz.
Instagram جەلٸسٸندە جارييالانعان ۆيدەودا جاستار پوليتسەيدەن كٶمەك سۇراپ, ادامنىڭ سۋعا باتىپ جاتقانىن ايتقان. پوليتسييا قىزمەتكەرٸ ەش ساسپاستان بٸردەن سۋعا سەكٸرٸپ, باتىپ بارا جاتقان سىڭاي تانىتقان ادامدى الىپ شىققان. الايدا كەيٸن مۇنىڭ ەلەۋمەتتٸك جەلٸگە ارنالعان قويىلىم, ياعني "پرانك" ەكەنٸ بەلگٸلٸ بولدى.
ۆيدەو قوعامدىق تاماقتانۋ ورىندارىنىڭ بٸرٸمەن بٸرلەسٸپ جارييالانعان. «قۇتقارۋ» سەتٸنەن كەيٸن پوليتسەيگە وتباسىمەن بارىپ شاۋرما جەۋگە ارنالعان سەرتيفيكات تابىستالعان.
دەسە دە بۇل ۆيدەو جەلٸدە قىزۋ تالقىعا تٷستٸ. ال پوليتسەي بلوگەرلەرگە قوعامدىق تەرتٸپ بۇزىلعانىن ەسكەرتتٸ.
پوليتسييا دەپارتامەنتٸنٸڭ مەلٸمەتٸنشە, قويىلىمعا قاتىسقاندار ۇساق بۇزاقىلىق بويىنشا جاۋاپكەرشٸلٸككە تارتىلعان. سوت شەشٸمٸمەن ۆيدەو اۆتورى 15 تەۋلٸككە, ال ەكٸنشٸ قاتىسۋشى 10 تەۋلٸككە قاماۋعا الىندى.
