فوتو: ۆيدەودان سكرينشوت
قارجىلىق مونيتورينگ اگەنتتٸگٸنٸڭ استانا قالاسى بويىنشا دەپارتامەنتٸ بلوگەرلەر ەربولات جانەبٸلوۆ پەن ەلميرا تٶلەگەنوۆاعا قاتىستى زاڭسىز كەسٸپكەرلٸك جەنە قىلمىستىق جولمەن الىنعان اقشا قاراجاتىن زاڭداستىرۋ فاكتٸلەرٸ بويىنشا سوتقا دەيٸنگٸ تەرگەپ-تەكسەرۋدٸ اياقتادى, دەپ حابارلايدى Ult.kz.
تەرگەۋ دەرەكتەرٸنە سەيكەس, Instagram ەلەۋمەتتٸك جەلٸسٸندە 15 ميلليوننان استام جازىلۋشىسى بار ەرلٸ-زايىپتى بلوگەرلەر 2025 جىلى ونلاين-كۋرستاردى ساتۋ جەلەۋٸمەن زاڭسىز سحەما ۇيىمداستىرعان. كۋرستاردى ساتىپ الۋعا باستى تٷرتكٸ – قىمبات سىيلىقتار ۇتىسىنا قاتىسۋ مٷمكٸندٸگٸ بولعان.
انىقتالعانداي, تاراتىلعان بەينەماتەريالداردىڭ باسىم بٶلٸگٸ اشىق دەرەككٶزدەردەن, سونىڭ ٸشٸندە YouTube پلاتفورماسىنان الىنعان. كۋرستاردىڭ ناقتى بٸلٸم بەرۋ قۇندىلىعى بولماعان جەنە ولار زاڭسىز لوتەرەيا قىزمەتٸن جاسىرۋ ٷشٸن پايدالانىلعان.
جٷلدە قورى بلوگەرلەردٸڭ جەكە قاراجاتى ەسەبٸنەن ەمەس, ونلاين-كۋرستارعا تٶلەم جاساعان قاتىسۋشىلاردىڭ اقشاسى ارقىلى قالىپتاستىرىلعان. سونىمەن قاتار ەلەكتروندى «سەتتٸلٸك بارابانىنىڭ» پارامەترلەرٸنە ٶزگەرٸس ەنگٸزٸلٸپ, 5 000 تەڭگەلٸك جٷلدەنٸ ۇتىپ الۋ ىقتيمالدىعى ەدەيٸ ارتتىرىلعان, ال قۇندى سىيلىقتاردى الۋ مٷمكٸندٸگٸ تٶمەندەتٸلگەن.
كٷدٸكتٸلەر ەڭ كٶپ رەپوست جاساعان قاتىسۋشىعا 11-اۆتوكٶلٸك بەرٸلگەنٸ جٶنٸندە جارييا تٷردە مەلٸمدەگەنٸمەن, ٸس جٷزٸندە جەڭٸمپاز انىقتالماعان جەنە سىيلىق تابىستالماعان.
تەرگەۋ نەتيجەسٸندە ازاماتتاردان «Zhana Business» جشس باقىلاۋىنداعى شوتتارعا تٷسكەن قاراجاتتىڭ جالپى سوماسى 247,5 ملن تەڭگەنٸ قۇراعان. ونىڭ 60 ملن تەڭگەسٸ دەپوزيتتٸك شوتتارعا ورنالاستىرىلعان.
سوت سانكتسيياسىمەن 17 iPhone ۇيالى تەلەفونىنا, سونداي-اق Lamborghini Urus پەن Lexus LX 600 كٶلٸكتەرٸن قوسا العاندا, 10 اۆتوكٶلٸككە تىيىم سالىندى. كٷدٸكتٸلەرگە قاتىستى ٷيقاماق تٷرٸندەگٸ بۇلتارتپاۋ شاراسى قولدانىلدى.
قازٸرگٸ ۋاقىتتا ەربولات جانەبٸلوۆ پەن ەلميرا تٶلەگەنوۆا قىلمىستىق ٸس ماتەريالدارىمەن تانىسۋ ٷستٸندە. قر قىلمىستىق-پروتسەستٸك كودەكسٸنٸڭ 201-بابىنا سەيكەس ٶزگە اقپارات جارييا ەتٸلمەيدٸ.
