جاڭادان سايلانعان پرەزيدەنت دجو بايدەن ەكٸمشٸلٸگٸ رەسەي بيلٸگٸنٸڭ ميلليونداعان رەسەيلٸكتەردٸڭ مٷددەسٸن جاقتاعان الەكسەي ناۆالنىيدى قاماۋىن قاتاڭ ايىپتايدى. اقش مەملەكەتتٸك حاتشىسى قىزمەتٸنە ۇسىنىلعان ەنتوني بلينكەن وسىلاي دەپ مەلٸمدەدٸ.
"ولاردىڭ پٸكٸرٸ رەسەيدە ەستٸلۋٸ تيٸس" دەدٸ بلينكەن 19 قاڭتار كٷنگٸ اقش سەناتىنىڭ سىرتقى ٸستەر جٶنٸندەگٸ كوميتەتٸنٸڭ تىڭداۋىندا. جيىندا بلينكەن كانديداتۋراسى تالقىلانعان.
گەرمانييادان مەسكەۋگە ورالىپ, ەۋەجايدا بٸردەن ۇستاپ ەكەتٸلگەن الەكسەي ناۆالنىيدىڭ قامالۋىنا بايلانىستى پٸكٸرٸن جەتكٸزگەن بلينكەن "ۆلاديمير پۋتيننٸڭ بٸر ادامنان سونشالىقتى قورقاتىنى تاڭعالدىرادى" دەگەن.
بلينكەن سەناتتاعى سٶزٸندە رەسەي اقش ٷشٸن مەسەلە بولىپ قالا بەرەتٸنٸن, جاڭا ەكٸمشٸلٸكتٸڭ بۇعان سالقىنقاندى قارايتىنىن جەتكٸزگەن.
18 قاڭتاردا جاڭادان سايلانعان پرەزيدەنت ەكٸمشٸلٸگٸنٸڭ ترامپ تاعايىنداعان دجون سالليۆاننان "رەسەي مەسەلەسٸندە ٷزٸلٸس بولماۋى ٷشٸن" مەسكەۋ ەلشٸسٸ قىزمەتٸندە قالا بەرۋٸن ٶتٸنگەنٸ بەلگٸلٸ بولدى.
دەگەنمەن سەنات تىڭداۋىندا رەسەي مەسەلەسٸ يران, قىتاي, كۋبا جەنە ٶزگە ەلدەرمەن قاتىناس مەسەلەسٸ سٶز بولعاننان كەيٸن ياعني, جارتى ساعاتتان سوڭ قوزعالعان.
ناۆالنىيدى ۇستاۋدى وسىنىڭ الدىندا اقش مەملەكەتتٸك حاتشىسى مايك پومپەو ايىپتاعان.
"ٶزٸنە سەنٸمدٸ باسشى قارسىلاسىنىڭ ٷنٸنەن قورىقپايدى, ساياسي وپپونەنتتەرٸنە كٷش قولدانبايدى, زاڭسىز قامامايدى" دەدٸ پومپەو.
Amnesty International ۇيىمى ناۆالنىيدى ار-ۇجدان تۇتقىنى دەپ اتاپ, دەرەۋ بوساتۋدى تالاپ ەتتٸ.
- الەكسەي ناۆالنىي گەرمانييادان رەسەيگە 17 قاڭتاردا ورالعان, ونى ەۋەجايدا پوليتسييا بٸردەن ۇستاپ ەكەتتٸ. ەرتەسٸندە سوت 30 كٷنگە قاماۋ تۋرالى شەشٸم شىعاردى. بۇل شەشٸم قىلمىستىق جازانى اتقارۋ فەدەرالدىق قىزمەتٸنٸڭ ناۆالنىيدىڭ شارتتى جازاسىن تٷرمە جازاسىنا اۋىستىرۋ تۋرالى ٶتٸنٸشٸمەن بايلانىستى.
- پۋتيننٸڭ باسپاسٶز حاتشىسى دميتريي پەسكوۆ سەيسەنبٸ كٷنٸ "ەلدەكٸمنٸڭ ەلدەبٸرەۋدەن قورقاتىنى جايلى جورامالداردىڭ بەرٸ - بوس سٶز" دەدٸ.
- بىلتىر تامىز ايىنىڭ سوڭىندا كوماعا تٷسٸپ, بەرليندەگٸ كلينيكاعا ەمدەۋگە جٸبەرٸلگەن ناۆالنىي سول جاقتا ەسٸن جيىپ, قىركٷيەك سوڭىندا اۋرۋحانادان شىققاننان كەيٸن گەرمانييادا ساۋىقتىرۋ باعدارلاماسىنان ٶتكەن. ول سودان بەرٸ رەسەي اۋماعىنا العاش رەت اياق باسقاندا ۇستالعان.
