باتىس قازاقستانمەن كٶرشٸلەس رەسەي وبلىستارىندا كوروناۆيرۋس كٶپ تٸركەلٸپ وتىر. بۇل تۋرالى وبلىس ەكٸمٸ عالي ەسقاليەۆتٸڭ تٶراعالاعىمەن ٶتكەن كوروناۆيرۋستىڭ الدىن الۋ جٶنٸندەگٸ وبلىستىق جەدەل شتاب وتىرىسىندا ايتىلدى, دەپ حابارلايدى "ۇلت اقپارات".
وندا ٶڭٸر باسشىسى اتاپ ٶتكەنٸندەي, ساراپشى مامانداردىڭ كٷز ايلارىندا كوروناۆيرۋستىڭ ٶرشيتٸنٸ تۋرالى بولجامى راستالا باستادى.
«دامىعان ەلدەردە كوروناۆيرۋسقا توسقاۋىل قويۋ ماقساتىندا قاتاڭ كارانتيندٸك شارالار قابىلدانۋدا. بٸزدٸڭ ٶڭٸرمەن كٶرشٸلەس رەسەي وبلىستارىندا تۇرعىندار اراسىندا ٸندەتتٸڭ ٶسۋٸ الاڭداتپاي قويمايدى. ٶتكەن كٶكتەمدە دە كوروناۆيرۋس جۇقتىرعاندار باستاپقىدا رەسەي مەن اتىراۋ وبلىسىنداعى تەڭٸز كەنٸشٸنەن كەلگەندەر اراسىنان كٶپ تٸركەلگەن بولاتىن. سوندىقتان ساقتىق شارالارىن كٷشەيتۋ كەرەك», دەدٸ ع.ەسقاليەۆ.
وبلىستىق دەنساۋلىق ساقتاۋ باسقارماسىنىڭ باسشىسى بولاتبەك قايۋپوۆتىڭ ايتۋىنشا, ماۋسىمدىق اۋرۋلارعا بايلانىستى كوروناۆيرۋستىڭ ەكٸنشٸ تولقىنى قاۋٸپ تٶندٸرٸپ وتىرعانىن كٶرشٸلەس ەلدەرگە, ەسٸرەسە, رەسەيگە قاراپ كٶرۋگە بولادى. رەسەيدەگٸ كوروناۆيرۋسپەن اۋىرعاندار سانى مامىرداعى دەڭگەيگە جەتتٸ. تەۋلٸگٸنە 10 مىڭنان استام ٸندەت جۇقتىرعاندار انىقتالۋدا. سونىڭ ٸشٸندە باتىس قازاقستانمەن كٶرشٸلەس ورىنبور وبلىسىندا تەۋلٸگٸنە – كوروناۆيرۋسكە شالدىققان 115, سامارادا – 114, ساراتوۆتا – 128, ۆولگوگرادتا 129 ادام تٸركەلٸپ وتىر.
«قازٸرگٸ تاڭدا كوروناۆيرۋستىڭ ەكٸنشٸ تولقىنىنا بارىنشا دايىندالۋدامىز. دەرٸ-دەرمەك قورىن جاساقتاپ, كادرلار مەن ستاتسيوناردى, جەدەل جەردەم بٶلٸمشەسٸن ەزٸرلەدٸك. ٶتكەننەن ساباق الىپ, بەرٸن دە ەسكەرۋگە تىرىسۋدامىز. الايدا تۇرعىندار ٶز دەنساۋلىعىنا جاۋاپتى قاراپ, ٶزدەرٸ مەن جاقىندارىن ٸندەتتەن ساقتاۋعا مەن بەرمەسە, مۇنداي دايىندىقتىڭ ەش كەتۋٸ ىقتيمال», دەدٸ ب.قايۋپوۆ.
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى مۇحامعالي ارىسپاەۆتىڭ مەلٸم ەتكەنٸندەي, ٶڭٸردە ٶتكەن قىركٷيەك ايىندا 111 تۇرعىن كوروناۆيرۋس جۇقتىرسا, سونىڭ 33-ٸ ورال قالاسى, 11-ٸ تەرەكتٸ, 9-ى بەيتەرەك اۋدانىنىڭ ٷلەسٸنە تيەدٸ.
م.ارىسپاەۆ ٸندەتتٸڭ الدىن الۋ ماقساتىندا رەسەيمەن شەكارادا ورنالاسقان بارلىق ٶتكٸزۋ بەكەتتەرٸنٸڭ سانەپيدەميولوگ مامانداردىڭ ايرىقشا باقىلاۋىنا الىناتىن جەتكٸزدٸ.
وتىرىستا جەكە قورعانىس قۇرالدارىنىڭ جەتكٸلٸكتٸ جەنە قولجەتٸمدٸ باعامەن ساتىلىپ جاتقانى ايتىلدى.
ع.ەسقاليەۆ تۇرعىندار اراسىندا ٸندەتتٸڭ تارالماۋى ٷشٸن قوعامدىق كٶلٸككە جولاۋشىلاردىڭ تەك بەتپەردەمەن كٸرۋٸن قامتاماسىز ەتۋ, كٶپقاباتتى ٷيلەردە جىلۋدى ەدەتتەگٸدەن بٸر اپتا بۇرىن بەرۋ جەنە باسقا قاۋٸپسٸزدٸك شارالارىن كٷشەيتۋ قاجەتتٸگٸن اتاپ كٶرسەتتٸ.
