باتىس قازاقستان وبلىسىندا جاڭا تۋعان سەبيٸن پاكەتكە سالىپ, ەجەتحاناعا تاستاعان قىزعا قاتىستى سوت ٷكٸمٸ شىقتى, دەپ حابارلايدى "ۇلت اقپارات".
قازتالوۆ اۋداندىق №2 سوتىنىڭ ٷكٸمٸمەن ورالداعى كوللەدجدەردٸڭ بٸرٸندە وقيتىن, جاڭاجول اۋىلىندا تۇراتىن 19 جاستاعى قىز قر قك 100-بابىنا سەيكەس ايىپتى دەپ تانىلىپ, ونىڭ ەكٸ جىلعا باس بوستاندىعى شەكتەلدٸ.
سوت تالقىسىندا انىقتالعانىنداي, قىز ٶتكەن جىلدىڭ قىركٷيەك ايىندا تانىس جٸگٸتٸنەن جٷكتٸ بولىپ قالعانىن بٸلگەن. الايدا بۇل جٶنٸندە اتا-اناسى نەمەسە باسقا ادامدارعا ايتپاعان. سودان 23 قاراشا كٷنٸ ٷيدٸڭ سەنەسٸندە تٸرٸ كٷيٸندە ەر بالانى تۋعان. بۇعان قوبالجىپ, قورقىپ كەتكەن ول سول جەردە قايشىمەن بالانىڭ كٸندٸگٸن كەسكەن. سوسىن شاقالاقتى تسەللوفان قاپقا سالىپ, قورا ٸشٸندەگٸ دەرەتحاناعا سالىپ جٸبەرٸپ, جاڭا تۋعان سەبيٸن ٶلتٸرگەن.
سوتتالۋشى ٶزٸنٸڭ كٸنەسٸن تولىق مويىندادى. قىزدىڭ سٶزٸنە قاراعاندا, كەزدەسٸپ جٷرگەن جٸگٸتٸنە قاراشا ايىندا تەلەفون ارقىلى جٷكتٸ بولىپ قالعانىن جازىپ جٸبەرگەندە, ول «بالا كەرەك ەمەس, نە ٸستەسەڭ, ٶزٸڭ بٸل» دەپ جاۋاپ بەرگەن. 23 قاراشا كٷنٸ تٷسكٸ تاماقتان كەيٸن اناسى دٷكەنگە كەتكەن. ەكەسٸ مەن ەكٸ باۋىرى ٶز بٶلمەلەرٸنە كٸرٸپ, دەمالىپ جاتىپ قالعان.
سەبيٸن تۋىپ, دەرەتحاناعا تاستاعاننان كەيٸن ٷيگە كٸرٸپ, ٶز بٶلمەسٸنە بارىپ جاتىپ قالعان. الايدا اناسى كەلگەننەن كەيٸن اۋرۋحاناعا اپارۋىن ٶتٸنگەن. اۋرۋحانادا بارلىق جاعداي بەلگٸلٸ بولدى.
قىز قىلمىس جاساعانىنا ٶكٸنەتٸنٸن بٸلدٸرٸپ, سوتتان قاتاڭ جازالاماۋدى سۇرادى.
ساراپتاماعا سەيكەس 8-8,5 ايلىق سەبي تٸرٸ تۋعان.
سوت ٷكٸم تاعايىنداعان كەزدە سوتتالۋشىنىڭ كٸنەسٸن تولىق مويىنداعانىن, ماتەريالدىق جەنە وتباسىلىق جاعدايىن, بۇرىن سوتتالماعانىن, جاستىعىن ەسكەردٸ.
بقو سوتىنىڭ باسپاسٶز قىزمەتٸنەن تٷسكەن مەلٸمەتكە قاراعاندا, ٷكٸم زاڭدى كٷشٸنە ەنگەن جوق.
