فوتو: قر تجم باسپاسٶز قىزمەتٸ
بقو-دا تٸكۇشاق اپاتىنان 4 ادام قازا تاپتى, دەپ حابارلايدى "ۇلت اقپارات" قر ييدم ازاماتتىق اۆياتسييا كوميتەتٸنە سٸلتەمە جاساپ.
"سوڭعى مەلٸمەتتەر بويىنشا, تجم ٸزدەۋ توبى تٸكۇشاققا جەتتٸ. اۆياتسييالىق وقيعا سالدارىنان 4 ادام قازا تاۋىپ, 2 ادام زارداپ شەكتٸ.
قر ييدم ازاماتتىق اۆياتسييا كوميتەتٸ قازا تاپقان ازاماتتاردىڭ تۋىستارى مەن جاقىندارىنا كٶڭٸل ايتادى" - دەلٸنگەن حابارلامادا.
ۆەدومستۆو باسپاسٶز قىزمەتٸنٸڭ حابارلاۋىنشا, قر ييدم كٶلٸكتەگٸ وقيعالار مەن ينتسيدەنتتەردٸ تەكسەرۋ دەپارتامەنتٸنٸڭ قىزمەتكەرلەرٸ اۆياتسييالىق وقيعا ورنىنا بارادى.
تٶتەنشە جاعدايلار مينيسترلٸگٸنٸڭ رەسمي ٶكٸلٸ رۋسلان يمانقۇلوۆ تا قازا تاپقاندار تۋرالى اقپاراتتى راستادى.
"قاتتى ەكپٸنمەن قونۋ سالدارىنان تجم "قازاۆياقۇتقارۋ" قىزمەتكەرلەرٸ قازا تاپتى. بٸزدٸڭ قىزمەتكەرلەرٸمٸز", - دەدٸ ول.
ايتا كەتەيٸك, بٷگٸن, 23 اقپاندا ساعات 15:50-دە باتىس قازاقستان وبلىسى بەيتەرەك اۋدانى چاپۋرينو ەلدٸمەكەنٸنەن 6 شاقىرىم جەردە "قازاۆياقۇتقارۋ" اق-تىڭ 2021 جىلى شىعارىلعان مي-8 امت تٸكۇشاعى جەرگە قاتتى ەكپٸنمەن قونعان. بورتتا 6 ادام - 5 ەكيپاج مٷشەسٸ جەنە «قازترانسويل» اق-نىڭ 1 ٶكٸلٸ بولعان.
مي-8 امت اتىراۋ - ورال - اتىراۋ باعىتىمەن "قازترانسويل" اق تاپسىرىسى بويىنشا مۇناي قۇبىرىن تەكسەرگەن.
وقيعا ورنىنا تجد قىزمەتكەرلەرٸ جٸبەرٸلدٸ.
