Foto: QR TJM baspasóz qyzmeti
BQO-da tikushaq apatynan 4 adam qaza tapty, dep habarlaidy "Ult aqparat" QR IIDM Azamattyq aviatsiia komitetine silteme jasap.
"Sońǵy málimetter boiynsha, TJM izdeý toby tikushaqqa jetti. Aviatsiialyq oqiǵa saldarynan 4 adam qaza taýyp, 2 adam zardap shekti.
QR IIDM Azamattyq aviatsiia komiteti qaza tapqan azamattardyń týystary men jaqyndaryna kóńil aitady" - delingen habarlamada.
Vedomstvo baspasóz qyzmetiniń habarlaýynsha, QR IIDM Kóliktegi oqiǵalar men intsidentterdi tekserý departamentiniń qyzmetkerleri aviatsiialyq oqiǵa ornyna barady.
Tótenshe jaǵdailar ministrliginiń resmi ókili Rýslan Imanqulov ta qaza tapqandar týraly aqparatty rastady.
"Qatty ekpinmen qoný saldarynan TJM "Qazaviaqutqarý" qyzmetkerleri qaza tapty. Bizdiń qyzmetkerlerimiz", - dedi ol.
Aita keteiik, búgin, 23 aqpanda saǵat 15:50-de Batys Qazaqstan oblysy Báiterek aýdany Chapýrino eldimekeninen 6 shaqyrym jerde "Qazaviaqutqarý" AQ-tyń 2021 jyly shyǵarylǵan Mi-8 AMT tikushaǵy jerge qatty ekpinmen qonǵan. Bortta 6 adam - 5 ekipaj múshesi jáne «QazTransOil» AQ-nyń 1 ókili bolǵan.
MI-8 AMT Atyraý - Oral - Atyraý baǵytymen "Qaztransoil" AQ tapsyrysy boiynsha munai qubyryn teksergen.
Oqiǵa ornyna TJD qyzmetkerleri jiberildi.
