باتىس كٶلٸك پوليتسيياسىنىڭ قىزمەتكەرٸ بوسانعالى جاتقان جٷكتٸ ەيەلدٸ اۋرۋحاناعا جەتكٸزٸپ, قۇتقارىپ قالدى, دەپ حابارلايدى قازاقپارات.
قر ٸٸم كٶلٸكتەگٸ پوليتسييا دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, وقيعا 6 اقپان كٷنٸ قازاقستان ستانتسيياسىنان (اقساي قالاسى) 3-4 شاقىرىم جەردە بولدى.
ايزا جولداسپاەۆا كٷيەۋٸ نۇربولمەن بٸرگە ورال-الماتى جولاۋشىلار پويىزىمەن اقتٶبەگە بارا جاتقان. الايدا قازاقستان ستانتسيياسىنان شىققاننان كەيٸن 8 ايلىق جٷكتٸلٸگٸ بار 38 جاستاعى ەيەلدەن قان كەتٸپ, جاعدايى كٷرت ناشارلاعان. پويىز سول بويدا توقتاپ, ماشينيست-ديسپەتچەر شۇعىل كٶمەك كەرەكتٸگٸن حابارلاعان.
وقيعا ورنىنا قازاقستان ستانتسيياسىنداعى جەلٸلٸك پوليتسييا بٶلٸمٸنٸڭ باستىعى مۇقاتاي اياپوۆ بٸرٸنشٸ بولىپ جەتكەن. پويىز دالادا تۇرعاندىقتان, وعان جەدەل جەردەم كٶلٸگٸ جەتە المايتىن ەدٸ.
پوليتسييا پودپولكوۆنيگٸ مۇقاتاي اياپوۆ كٷرتٸك قارعا قاراماستان, ەيەلدٸ كٶتەرٸپ الىپ شىعىپ, اۆتوكٶلٸگٸمەن بٶرلٸ اۋداندىق ورتالىق اۋرۋحاناسىنا جەتكٸزگەن. اۋرۋحانادا ەيەلگە كەسار تٸلٸگٸمەن وتا جاسالىپ, دٷنيەگە قىز بالا كەلدٸ.
نۇربول جولداسپاەۆ قازٸرگٸ كەزدە ەيەلٸ مەن قىزىنىڭ جاعدايى جاقسى ەكەندٸگٸن ايتىپ, كٶلٸك پوليتسيياسى قىزمەتكەرٸنە العىسىن بٸلدٸردٸ.
