باتىس قازاقستان وبلىسىندا بٸر كٷندە وتىزدان استام ساياجاي ٷيٸ جانىپ كەتتٸ, دەپ حابارلايدى "ۇلت اقپارات".
بقو تج دەپارتامەنتٸنٸڭ باستىعى جاسۇلان جۇماشەۆتٸڭ مەلٸم ەتكەنٸندەي, وقيعا كەشە ورىن الدى.
ورال قالاسىندا ساعات 12.33-تە «اۆتوموبيليست», «ارماتۋرششيك», بەيتەرەك اۋدانىندا «يايك» ساياجاي سەرٸكتەستٸكتەرٸ ٶرتەندٸ. بارلىعى 40 گەكتار جەر جانىپ, 31 ساياجاي ٷيٸ (ولاردىڭ كٶبٸ قاراۋسىز قالعان) مەن شارۋاشىلىق قۇرىلىستارى وتقا وراندى. تەرەكتٸ اۋدانى ەيتيەۆ اۋىلى اۋماعىندا 25 گا جەر جانىپ, ٶرت بٷگٸن ساعات 08.10-دا وقشاۋلانىپ, 10.53-تە سٶندٸرٸلدٸ.
ساعات 13.50-دە بەيتەرەك اۋدانى وزەرنىي اۋىلىندا 150 گا قۇرعاق شٶپ, بۇتا مەن ورمان القابى ٶرتەندٸ. «تٸلسٸز جاۋ» بٷگٸن ساعات 11.01-دە اۋىزدىقتالدى. شولپان ەلدٸ مەكەنٸنەن رۋبەجكا اۋىلىنا 30 ادام ەۆاكۋاتسييالانىپ, ولار اعايىن-تۋىستارىندا پانالاپ, بٷگٸن ٷيلەرٸنە قايتىپ ورالدى.
سونداي-اق كەشە ساعات 13.45-تە سىرىم اۋدانى جىمپيتى-قوسوبا جولىندا تراكتور تٸركەمەسٸ مەن 6 توننا پٸشەن جانىپ كەتتٸ. ٶرت 15.35-تە سٶندٸرٸلدٸ.
كەشە ساعات 20.04-تە ورال قالاسى اۋماعىنداعى «كٶكتەم» ساياجاي سەرٸكتەستٸگٸ, 109-ۋچاسكەسٸندە ساياجاي ٷيٸ (25 شارشى مەتر) ٶرتەنٸپ, 21.30-دا سٶندٸرٸلدٸ.
سوڭعى ٷش كٷندە باتىس قازاقستان وبلىسىندا 45 (سونىڭ 32-سٸ – قۇرعاق شٶپ) جانۋ وقيعاسى تٸركەلدٸ.
ج.جۇماشەۆ تابيعي ٶرت سالدارىنان زارداپ شەككەن تۇرعىندار ٶتەماقى الۋ ٷشٸن بقو تج دەپارتامەنتٸنەن ٶرت جٶنٸندەگٸ اكتٸنٸڭ كٶشٸرمەسٸن الىپ, سوسىن جەرگٸلٸكتٸ اتقارۋشى ورگاندارعا جولىققاننان كەيٸن ارنايى كوميسسييا قارايتىنىن جەتكٸزدٸ.
ەسكە سالا كەتەيٸك, بۇدان بۇرىن بقو-دا دالالىق جەر مەن ورمان ٶرتەنگەنٸن جەنە 21 توننا پٸشەننٸڭ جانىپ كەتكەنٸن جازعان بولاتىنبىز.
