باتىس قازاقستان وبلىسىندا اتاقتى ەنشٸ-كومپوزيتور مۇحيت مەرەلٸۇلىنىڭ 180 جىلدىعىنا ارنالعان «ەن قۇدٸرەتٸن اسقاقتاتقان مۇحيت سال» اتتى رەسپۋبليكالىق دەستٷرلٸ ەنشٸلەر بايقاۋىنىڭ جەڭٸمپاز-جٷلدەگەرلەرٸ انىقتالدى, دەپ حابارلايدى قازاقپارات.
سايىس التى الاشقا ەن وزدىرعان سال مۇحيتتىڭ تۋعان جەرٸ – قاراتٶبە اۋدانىندا ٶتتٸ.
ەكٸ كٷنگە سوزىلعان, ٷش كەزەڭنەن تۇراتىن بايقاۋعا قازاقستاننىڭ جەتٸ وبلىسىنان 17 ٷمٸتكەر قاتىسىپ, باق سىنادى.
بايقاۋدىڭ شارتى بويىنشا قاتىسۋشىلار العاشقى كەزەڭدە مۇحيتتىڭ كەڭ تىنىستى تۋىندىسىن جەنە ٶز ٶڭٸرٸنەن شىققان حالىق كومپوزيتورلارىنىڭ بٸر ەنٸن ورىندادى.
سودان كەيٸن جەرەبە تارتۋ ارقىلى دەستٷرلٸ ەن مەكتەپتەرٸنەن بٸر تۋىندىنى, ٶز قالاۋى بويىنشا حالىق ەنٸن شىرقادى.
سوڭعى كەزەڭدە ٷمٸتكەرلەر مۇحيتتىڭ «اينامكٶز», «پاڭكٶيلەك» سەكٸلدٸ تۋىندىلارىنىڭ بٸرەۋٸن جەنە ٶز قالاۋىمەن بٸر ەندٸ تىڭدارمان نازارىنا ۇسىندى.
«قۇرمەت» وردەنٸنٸڭ يەگەرٸ, ع.قۇرمانعاليەۆ اتىنداعى وبلىستىق فيلارمونييانىڭ سوليسٸ قايرات كەكٸموۆ باستاعان قازىلار القاسىنىڭ شەشٸمٸمەن ماڭعىستاۋلىق نۇرىم اسقانوۆ باس جٷلدەنٸ جەڭٸپ الدى.
پاۆلودارلىق دەۋرەنبەك سلامعاليەۆ بٸرٸنشٸ, باتىسقازاقستاندىق, قاراتٶبە توپىراعىنىڭ تٷلەگٸ نۇرشات يسلامعاليەۆ پەن اتىراۋلىق بايباقتى ٸدٸرباي ەكٸنشٸ, الماتىلىق قايراتبەك بەكتۇرسىن مەن تاعى بٸر اتىراۋلىق فاتيما سەرٸكباەۆا ٷشٸنشٸ ورىنعا كٶتەرٸلدٸ.
مۇحيت تويىنا الماتىدان بەلگٸلٸ ەنشٸ, قازاقستاننىڭ ەڭبەك سٸڭٸرگەن قايراتكەرٸ, «دارىن» مەملەكەتتٸك جاستار سىيلىعىنىڭ يەگەرٸ سەۋلە جانپەيٸسوۆا دا ارنايى كەلدٸ.
بارلىق قاتىسۋشىلارعا كەدەسىيلار بەرٸلٸپ, جەڭٸمپاز-جٷلدەگەرلەر ديپلومدارعا قوسا اقشالاي سىيلىقپەن ماراپاتتالدى.
