باتىسقازاقستاندىق مەملەكەتتٸك قىزمەتشٸلەر جاڭاجىلدىق كورپوراتيۆتەردٸڭ ورنىنا قايىرىمدىلىق جاسادى, دەپ حابارلايدى "ۇلت اقپارات".
وبلىس ەكٸمٸنٸڭ باستاماسىمەن قولعا الىنعان «قايىرىمدىلىق جاساساڭ, قايىرىمىن ٶزٸڭ كٶرەسٸڭ» اتتى قايىرىمدىلىق ٸس-شاراسى اياسىندا 14 ملن استام تەڭگە جينالدى.
وسى قاراجاتقا ازىق-تٷلٸك سەبەتتەرٸ ساتىپ الىنىپ, كٶپبالالى جەنە از قامتىلعان وتباسىلارعا تاراتىلاتىن بولادى.
بٷگٸن «ەل ىرىسى» بازارى اۋماعىندا باستاپقى 200 سەبەت تاراتىلدى.
وبلىستىق جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار باسقارماسىنىڭ باسشىسى التاي قۇلقاەۆتىڭ ايتۋىنشا, ەلدەگٸ ەپيدەميولوگييالىق جاعدايعا بايلانىستى جاڭاجىلدىق كەشتەردٸ ٶتكٸزۋ توقتاتىلعان بولاتىن. وبلىس ەكٸمدٸگٸنٸڭ قولداۋىمەن قايىرىمدىلىق ٸس-شاراسىنا دەپارتامەنتتەر مەن باسقارمالار قىزمەتكەرلەرٸ بەلسەندٸ اتسالىستى. جىل سوڭىنا دەيٸن جالعاساتىن ٸس-شارا اياسىندا شامامەن مىڭعا جۋىق وتباسىنى قامتۋ كٶزدەلۋدە.
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك بەلگٸبەكوۆ مۇنداي ٸس-شارالاردان تەرتٸپ ساقشىلارى دا قالىس قالماي, جٷيەلٸ ٷن قوسىپ كەلە جاتقانىن, بۇل جولى 8 وتباسىعا كٶمەك كٶرسەتٸلگەنٸن جەتكٸزدٸ.
وبلىستىق كەسٸپكەرلٸك جەنە يندۋستريالدىق-يننوۆاتسييالىق دامۋ باسقارماسى باسشىسىنىڭ ورىنباسارى ماقسات قۇلانباەۆتىڭ سٶزٸنە قاراعاندا, بۇل, بٸر جاعىنان, از قامتىلعان, كٶپبالالى وتباسىلاردى قولداۋ. ەكٸنشٸ جاعىنان, ازىق-تٷلٸك سەبەتٸنە سالىناتىن ٶنٸمدەر جەرگٸلٸكتٸ كەسٸپورىنداردان ساتىپ الىنادى. ياعني, وتاندىق ٶنٸم ٶندٸرۋشٸلەرگە دە قولداۋ جاسالىپ وتىر.
