باتىس قازاقستان وبلىسىندا كوروناۆيرۋس جۇقتىرعاندار سانى 360-قا جەتسە, سونىڭ 214-ٸ ورال قالاسىندا تٸركەلدٸ, دەپ حابارلايدى "ۇلت اقپارات".
ورال قالاسىنىڭ ەكٸمٸ ابات شىنىبەكوۆ مەلٸم ەتكەندەي, 81 ادام – رەسەيدەن, ال 55-ٸ – اتىراۋدان كەلگەندەر. تٶرت ادام اۋىر حالدە.
«ەگەر العاشقى كەزدە جۇقتىرۋشىلار سانى سىرتتان كەلگەندەردەن قۇرالعان بولسا, سوڭعى قالا مەن اۋدان تۇرعىندارى اراسىندا تارالىپ جاتىر. ولاردىڭ ٸشٸندە 9 بالا بولسا, سونىڭ بٸرەۋٸ بٸر جاستا. كوروناۆيرۋس ينفەكتسيياسىن 9 پوليتسەي, 56 مەديتسينا قىزمەتكەرٸ, 5 زەينەتكەر, 3 ستۋدەنت جۇقتىرعان. قالىپتاسقان جاعدايدىڭ كٷردەلٸ ەكەندٸگٸن ەسكەرە وتىرىپ, قالا تۇرعىندارىن كارانتيندٸك-سانيتارلىق تالاپتاردى ساقتاۋعا شاقىرامىن. تۇرعىندار بارىنشا ٶزٸن وقشاۋ ۇستاۋعا, ارالاس-قۇرالاستىقتى ازايتۋعا, اسا قاجەتتٸلٸك بولماسا, ٷيدەن شىقپاۋعا, ٶزگە ادامدارمەن بايلانىستى شەكتەۋگە ۇمتىلعانى ابزال. كٶپ جاعدايدا كوروناۆيرۋس ينفەكتسيياسى اۋرۋ بەلگٸلەرٸنسٸز ٶتكەنٸمەن, ٶزگەلەرگە جۇعۋى مٷمكٸن. قالادا كارانتين رەجيمٸ ساقتالعانىن ەسكەرە وتىرىپ, قاۋٸپسٸزدٸك شارالارى – قورعانىس ماسكاسى مەن قولعابىن كيٸپ, انتيسەپتيكتٸ قولدانۋدى ۇمىتپاۋ كەرەك», دەدٸ ابات شىنىبەكوۆ.
وبلىستىق جۇقپالى اۋرۋلار اۋرۋحاناسىنىڭ ديرەكتورى نادييا احمەتوۆانىڭ ناقتىلاۋىنشا, 9 بالانىڭ دا اۋرۋى بايقالماي ٶتۋدە. سونىڭ ٸشٸندە بٸر جاسقا دەيٸنگٸ بالا ٷي كارانتينٸندە جاتىر.
«قازاقستاننىڭ باس مەملەكەتتٸك سانيتار دەرٸگەرٸنٸڭ قاۋلىسىنا سەيكەس اۋرۋ بەلگٸسٸ بايقالمايتىندار تەكسەرٸلگەننەن كەيٸن ەمحانا دەرٸگەرلەرٸنٸڭ باقىلاۋىمەن ٷي كارانتينٸندە بولا الادى», دەدٸ قازاقپارات تٸلشٸسٸنە ن.احمەتوۆا.
بقو ەكٸمدٸگٸنەن الىنعان مەلٸمەتكە قاراعاندا, سوڭعى تٸركەلگەن 8 ناۋقاستىڭ ٷشەۋٸ – رەسەيدە جۇمىس ٸستەيتٸن وبلىس تۇرعىندارى. بەس ادام – بۇرىن كوروناۆيرۋس جۇقتىرعاندارمەن بايلانىستا بولعاندار.
ٶڭٸردە اۋىرعان 360 ادامنىڭ 210-ى جازىلىپ شىقتى.
