باتىس قازاقستان وبلىسىندا كوروناۆيرۋس جۇقتىرعانداردىڭ دەنٸ رەسەي مەن اتىراۋدان كەلگەن, دەپ حابارلايدى "ۇلت اقپارات".
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ بٶلٸم باسشىسى گٷلميرا كاجۋشەۆانىڭ بريفينگتە مەلٸم ەتكەنٸندەي, ٶڭٸردە وسى كەزگە دەيٸن 272 ادام اۋرۋعا شالدىقسا, سونىڭ 219-ى – شەتتەن كەلگەندەر.
سونىڭ ٸشٸندە 164 ادام (80 پايىزى) رەسەيدەن, 54-ٸ (20 پايىزى) – اتىراۋ وبلىسىنان كەلگەندەر. اتىراۋدان كەلگەندەردٸڭ اراسىندا 53-ٸ تەڭٸز كەن ورنىندا جۇمىس ٸستەيدٸ. سونداي-اق بٸر ادام گەرمانييادان كەلگەن. ترانزيتتٸك جٷك تاسىمالداۋشىلار اراسىندا 7 ادامنان كوروناۆيرۋس انىقتالسا, سونىڭ تٶرتەۋٸ – ٶزبەكستان, ەكەۋٸ – تەجٸكستان, بٸرەۋٸ – قىرعىزستان ازاماتى.
اۋىرعانداردىڭ 190-ى – بقو, 75-ٸ – قازاقستاننىڭ باسقا ٶڭٸرلەرٸنٸڭ تۇرعىندارى.
سىرقاتتانعانداردىڭ ٸشٸندە 52 ادام بۇرىن كوروناۆيرۋسپەن اۋىرعاندارمەن قارىم-قاتىناستا بولسا, سونىڭ 43-ٸ دەنساۋلىق ساقتاۋ مەكەمەلەرٸندە انىقتالدى.
«وبلىستا كٷن ساناپ جازىلىپ كەلە جاتقاندار سانى قۋانتادى. قازٸر ولاردىڭ سانى 121-گە جەتتٸ. دەگەنمەن ٶڭٸردە كارانتيندٸك شەكتەۋ شارالارى 25 مامىرعا دەيٸن ۇزارتىلعانىن ەسكە سالا وتىرىپ, تۇرعىنداردان سانيتارلىق, گيگيەنالىق تالاپتاردى بۇلجىتپاي ساقتاۋدى ٶتٸنەمٸز. ادامدار كٶپ جينالاتىن جەرلەردەن تارتىنعان ورىندى. دٷكەن, دەرٸحانالارعا بارعان جاعدايدا بەتپەردە, قولعاپ كييۋدٸ ۇمىتپاۋ قاجەت», دەدٸ گ.كاجۋشەۆا.
