باتىس قازاقستان وبلىسىندا كوروناۆيرۋس جۇقتىرىپ, اۋرۋحانادا جاتقاندار سانى كٶبەيٸپ كەتتٸ, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى گٷلنەر ەبدٸراحمانوۆانىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, قازٸرگٸ تاڭدا ٶڭٸردە 333 تٶسەكتٸك التى جۇقپالى اۋرۋلار اۋرۋحاناسىندا 138 ادام ەم الۋدا.
جانساقتاۋ بٶلٸمٸندە جاتقاندار سانى دا ارتىپ, 11 ادامعا جەتتٸ. بۇلاردىڭ بەرٸ دە – 65 جاستان اسقاندار. ٸندەت ولاردىڭ سوزىلمالى سىرقاتىن اسقىنتىپ جٸبەرگەن. جەتەۋٸ ارتەنزييالىق گيپەرتەنزييامەن اۋىرسا, تٶرتەۋٸندە قانت ديابەتٸ بار. مەديتسينالىق كٶمەككە كەش جٷگٸنگەندٸكتەن, ولاردىڭ ٶمٸرٸنە قاۋٸپ تٶنٸپ تۇر.
وبلىستا ٷش ادام وتتەگٸ كونتسەنتراتورىنا قوسىلعان.
تٶرت كارانتيندٸك ستاتسيوناردا 41 ادام جاتىر.
سونداي-اق پنەۆمونيياعا شالدىققان 149 ادام ەمدەلۋدە.
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ايتۋىنشا, ٶڭٸردە ەپيدەميولوگييالىق احۋال كٷن ساناپ ناشارلاپ كەلەدٸ.
كٷنٸ بٷگٸنگە دەيٸن وبلىستا 7142 ادامنىڭ كوروناۆيرۋس جۇقتىرعانى تٸركەلدٸ.
قازان ايى باستالعاننان بەرٸ 161 ادام دەرتكە شالدىقسا, بۇلاردىڭ 73-ٸ (45,3 پايىزى) – زەينەتكەرلەر, 28-ٸ (17,4 پايىزى) – جۇمىسسىزدار, 29-ى (18 پايىزى) – جۇمىس ٸستەيتٸندەر, 15-ٸ (9 پايىزى) – مەديتسينا قىزمەتكەرلەرٸ, 9-ى (5,6) – مۇعالٸمدەر مەن تەربيەشٸلەر, ەكەۋٸ (1,2 پايىزى) – بالالار.
تەك سوڭعى تەۋلٸكتە 49 ادامنىڭ ٸندەت جۇقتىرعانى انىقتالسا, سونىڭ 18-ٸ زەينەتكەرلەر بولىپ وتىر.
ن.مۇستاەۆتىڭ سٶزٸنە قاراعاندا, 6 قازان مەن 6 قاراشا ارالىعىندا شەكارادان 18983 ادام ٶتسە, سونىڭ 4791-ٸ – جولاۋشىلار. وسىنىڭ ٸشٸندە انىقتاماسى جوق 931 ادام كارانتيندٸك ستاتسيونارعا جاتقىزىلىپ, 19-ىنان ٸندەت تابىلدى. انىقتاماسى جوق 104 شەتەلدٸك ازامات كەرٸ قايتارىلدى.
سول سەكٸلدٸ 26 قازاننان بەرٸ شەكارادان ٶتكەن 5897 جٷرگٸزۋشٸنٸڭ 1541-ٸندە انىقتاما بولعان جوق. 10 جٷرگٸزۋشٸدەن كوروناۆيرۋس انىقتالدى.
مامانداردىڭ ايتۋىنشا, ٸندەتتٸڭ تاراماۋى ٷشٸن تۇرعىنداردىڭ ٶزدەرٸ دەنساۋلىقتارىنا جاۋاپكەرشٸلٸكپەن قاراپ, سانيتارلىق تالاپتاردى بۇلجىتپاي ساقتاعانى ابزال.
