باتىس قازاقستان وبلىسىندا قاراشا ايى باستالعاننان بەرٸ مونيتورينگتٸك توپتار 41 نىساندا شەكتەۋ شارالارى بۇزىلعانىن انىقتادى, دەپ حابارلايدى "ۇلت اقپارات".
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, 12 كٷن ٸشٸندە قر ەكٸمشٸلٸك قۇقىقبۇزۋشىلىق كودەكسٸنٸڭ 425-بابى 1-بٶلٸگٸنە سەيكەس 63 ەكٸمشٸلٸك حاتتاما تولتىرىلدى.
سونىڭ ٸشٸندە 35-ٸ وتباسىلىق توي-دۋمان, ساداقا جاساعاندارعا, 24-ٸ جەكە قورعانىش قۇرالدارىن قولدانباعان تۇرعىندارعا قاتىستى بولدى.
وسى بۇزۋشىلىقتار بويىنشا 21 ملن استام تەڭگە ايىپپۇل سالىندى.
ن.مۇستاەۆتىڭ سٶزٸنە قاراعاندا, وبلىستا كوروناۆيرۋسقا بايلانىستى ەپيدەميولوگييالىق احۋال كٷردەلەنٸپ بارادى. اپتا سايىن ٸندەتتٸڭ ورتا ەسەپپەن 59 پايىزعا ٶسۋٸ بايقالادى.
1-12 قاراشا ارالىعىندا بارلىعى 358 ادام كوروناۆيرۋس جۇقتىرسا, سونىڭ 252-سٸ نەمەسە 70,3 پايىزى ورال قالاسىنىڭ ٷلەسٸنە تيەدٸ. سونداي-اق بەيتەرەك اۋدانىندا – 41, بٶرلٸدە – 25, تەرەكتٸ مەن شىڭعىرلاۋدا – 10-نان, جاڭاقالادا – 5, جەنٸبەكتە – 4, قاراتٶبە, سىرىم, قازتالوۆتا – 3-تەن, بٶكەي ورداسى مەن اقجايىقتا بٸر-بٸردەن ادامنىڭ ٸندەتپەن اۋىرعانى تٸركەلدٸ.
قاراشا ايىندا مەملەكەتتٸك شەكارادان 8559 ادام ٶتسە, سونىڭ 1688-ٸ – جولاۋشىلار. انىقتاماسىز ٶتكەن 159 جولاۋشىنىڭ تٶرتەۋٸنەن كوروناۆيرۋس تابىلدى. سول سەكٸلدٸ حالىقارالىق جٷك تاسىمالدايتىن 2962 جٷرگٸزۋشٸ ٶتسە, سونىڭ 1577-سٸندە انىقتاما جوق بولىپ شىقتى. سونىڭ ٸشٸندە 14 جٷرگٸزۋشٸنٸڭ ٸندەت جۇقتىرعانى بەلگٸلٸ بولدى.
«وسى ايدا وبلىس بويىنشا 15747 ادام (ٸندەت باستالعاننان بەرٸ – 179464) زەرتحانالىق تەكسەرۋدەن ٶتتٸ. كٷنٸ بٷگٸن ٶڭٸر پتر دياگنوستيكاسى ٷشٸن 32646 زەرتتەۋگە ارنالعان 652 تەست جٷيەسٸمەن قامتاماسىز ەتٸلگەن», دەدٸ نۇرلىبەك مۇستاەۆ.
