باتىس قازاقستان وبلىسىندا 2026 جىلى اتالىپ ٶتٸلەتٸن بٶكەي حاندىعىنىڭ 225 جىلدىعىنا وراي دايىندىق ٸس-شارالارى باستالدى, دەپ حابارلايدى قازاقپارات.
وبلىس ەكٸمٸ عالي ەسقاليەۆتٸڭ باق ٶكٸلدەرٸمەن كەزدەسۋٸندە مەلٸم ەتكەنٸندەي, بٶكەي ورداسى اۋدانىنداعى حان ورداسى مۋزەي-قورىعى – ەلٸمٸزدەگٸ كيەلٸ ورىنداردىڭ بٸرٸ.
1801 جىلى بٶكەي سۇلتان قاراماعىنداعى ەلمەن ەدٸل مەن جايىق ارالىعىنا ٶتسە, 1826 جىلى جەڭگٸر حان ورداسىنىڭ نەگٸزٸن قالاعانى مەلٸم.
قازاقپارات تٸلشٸسٸنٸڭ ساۋالىنا جاۋاپ بەرگەن ٶڭٸر باسشىسىنىڭ ايتۋىنشا, تاريحي ورىنداردى جاڭعىرتۋ جۇمىستارىن جالعاستىرۋمەن قاتار تۋريستەردٸڭ حان ورداسىنا قىسى-جازى بارىپ تۇرۋى ٷشٸن جاعداي دا جاسالۋى قاجەت. وسى ماقساتتا قازٸرگٸ ۋاقىتتا بٶكەي ورداسى اۋدانى باعىتىندا قۇرىلىسى جٷرٸپ جاتقان رەسپۋبليكالىق جولدان حان ورداسىنا قاراي ۇزىندىعى 25 شاقىرىم كٸرمە جول دا سالىنادى.
بقو ەكٸمٸنٸڭ ورىنباسارى باقىتجان نارىمبەتوۆتٸڭ تولىقتىرعانىنداي, حان ورداسى مۋزەي-قورىعىندا بيىل «قاراشىعاناق پەتروليۋم وپەرەيتينگ ب.ۆ.» كومپانيياسىنىڭ ەلەۋمەتتٸك ينۆەستيتسيياسى ەسەبٸنەن ۆيزيت ورتالىعى مەن ەكٸمشٸلٸك ورتالىعى قۇرىلىسى باستالادى. بۇعان 413 ملن تەڭگە قارالعان.
ونىڭ سٶزٸنە قاراعاندا, قازٸرگٸ تاڭدا مۋزەي قىزمەتكەرلەرٸ تاريحي عيماراتتاردىڭ ٸشٸندە وتىر. سوندىقتان قىزمەت اياسىن كەڭەيتٸپ, شارۋاشىلىق جۇمىستارىن ۇيىمداستىرۋ ٷشٸن اتالعان نىساندار بوي كٶتەرەدٸ. سونىمەن قاتار وبلىس ەكٸمدٸگٸنەن قازاقستان مەدەنيەت جەنە سپورت مينيسترلٸگٸنە 2023-2025 جىلدارعا ٷش جىلدىق بيۋدجەتكە ەنگٸزۋ ٷشٸن تاريحي نىسانداردى قايتا جاڭعىرتۋ ماقساتىندا ۇسىنىستار بەرٸلدٸ. ورال قالاسىنداعى كٶنە عيماراتتاردى قوسقاندا, بۇعان 1 ملرد استام تەڭگە كەرەك.
حان ورداسى اۋىلى ماڭىنداعى جەڭگٸر حان, دەۋلەسكەر كٷيشٸ دەۋلەتكەرەي, قازاقتىڭ تۇڭعىش عالىمدارىنىڭ بٸرٸ مۇحامەد-سالىق باباجانوۆتار جەرلەنگەن پانتەون ەسكٸرگەن, بۇل دا قايتا جٶندەلەدٸ.
«بٶكەي حاندىعىنىڭ 225 جىلدىعىنا وراي حالىقارالىق دەڭگەيدە عىلىمي-پراكتيكالىق كونفەرەنتسييا ۇيىمداستىرۋ جوسپارلانىپ وتىر. وعان قوسا ويىن-ساۋىق, دالا قىزىقتارى, مەدەني-سپورتتىق شارالار مٸندەتتٸ تٷردە ٶتەدٸ. ورال قالاسىندا بٶكەي حانعا ەسكەرتكٸش ورناتىلا ما? دەگەن ساۋالعا وراي ايتارىمىز, ەگەر تۇرعىندار, زييالى قاۋىم ٶكٸلدەرٸ تاراپىنان ناقتى ۇسىنىستار تٷسسە, قاراستىراتىن بولامىز», - دەدٸ نارىمبەتوۆ.
