باتىس قازاقستان وبلىسىندا بالانى ۇرعان مەكتەپ ديرەكتورىنا قاتىستى ٷكٸم شىقتى, دەپ حابارلايدى "ۇلت اقپارات".
بقو سوتىنىڭ باسپاسٶز قىزمەتٸ مەلٸم ەتكەنٸندەي, وقيعا اۋدانداردىڭ بٸرٸندەگٸ مەكتەپ ديرەكتورىنىڭ قابىلداۋ بٶلمەسٸندە بولعان.
كەزەكشٸ مۇعالٸم سول جەرگە تەرتٸپ بۇزعان م. ەسٸمدٸ 11-سىنىپ وقۋشىسىن شاقىرعان. ا. ەسٸمدٸ مەكتەپ ديرەكتورى كەزەكشٸ مۇعالٸمنٸڭ كٶزٸنشە جاسٶسپٸرٸمنٸڭ بەتٸنە, دەنەسٸنە بٸرنەشە سوققى جاساپ, جەڭٸل دەنە جاراقاتىن كەلتٸرگەن.
بقو كەمەلەتكە تولماعاندار ٸستەرٸ جٶنٸندەگٸ مامانداندىرىلعان اۋدانارالىق سوتىنىڭ ٷكٸمٸمەن اتالعان مەكتەپ ديرەكتورى قر قك 140-بابى 2-بٶلٸگٸنە (قاتىگەزدٸك تانىتۋمەن ۇلاسقان كەمەلەتكە تولماعان ادامدى تەربيەلەۋ جٶنiندەگi مiندەتتەردi ورىنداماۋ) سەيكەس ايىپتى دەپ تانىلدى.
ديرەكتوردىڭ بٸرٸنشٸ رەت قىلمىستىق قۇقىقبۇزۋشىلىققا بارعانى ەسكەرٸلٸپ, وعان 80 اەك كٶلەمٸندە 202 مىڭ تەڭگە ايىپپۇل سالىندى. سونداي-اق پەداگوگيكالىق لاۋازىمدى قىزمەتتٸ جەنە كەمەلەتكە تولماعاندارمەن بايلانىستى جۇمىستى اتقارۋدان 2 جىل مەرزٸمگە شەتتەتٸلدٸ.
سونىمەن قاتار بقو بٸلٸم باسقارماسى باسشىلىعى اتىنا وسىنداي قۇقىقبۇزۋشىلىقتىڭ الدىن الۋ, ٶڭٸر مەكتەپتەرٸندە بٸلٸم الۋشىلارعا قاۋٸپسٸز كەڭٸستٸك قالىپتاستىرۋ, سالا قىزمەتكەرلەرٸ اراسىندا تٷسٸنٸك جۇمىستارىن جٷرگٸزۋ ماقساتىندا جەكە قاۋلى قابىلداندى.
سوت ٷكٸمٸ زاڭدى كٷشٸنە ەنگەن جوق.
