بقو-نىڭ «سىرىم» ٶتكٸزۋ بەكەتٸندە تىيىم سالىنعان مەديتسينالىق تاۋارلار تيەلگەن 14 جٷك كٶلٸگٸ ۇستالدى, دەپ حابارلايدى "ۇلت اقپارات".
بقو بويىنشا مەملەكەتتٸك كٸرٸستەر دەپارتامەنتٸ تٷسٸندٸرۋ جۇمىستارى باسقارماسىنىڭ باسشىسى ايمان قۋانوۆانىڭ مەلٸم ەتكەنٸندەي, اتالمىش جٷك كٶلٸكتەرٸ الماتى قالاسىنان رەسەيدٸڭ پەنزا وبلىسىنا بارا جاتقان.
جٷك بٶلٸكتەرٸن قاراۋ كەزٸندە شەتكە شىعارۋعا تىيىم سالىنعان تاۋارلار, اتاپ ايتقاندا, جەكە قورعانىس قۇرالدارى, مەديتسينالىق, قورعانۋ جەنە رەسپيراتورلىق ماسكالار, دەرٸلٸك زاتتار, بايلانىسسىز تەرمومەترلەر, قولعاپتار, قورعانىس كٶزٸلدٸرٸكتەرٸ, قورعاۋ كوستيۋمدەرٸ, رەسپيراتورلىق ماسكالارعا ارنالعان سٷزگٸلەر, انتيسەپتيكتەر, قورعانىس ششەتكالارى تابىلدى.
سونىمەن قاتار ەكسپورتقا شىعارۋ ٷشٸن رۇقسات بەرۋ قۇجاتتارى جوق مەديتسينالىق قۇرال-جابدىقتاردىڭ دا بار ەكەندٸگٸ انىقتالدى.
ا.قۋانوۆانىڭ سٶزٸنە قاراعاندا, زاڭدى تۇلعا مەديتسينالىق تاۋارلاردى ٶتكٸزۋگە قاجەتتٸ رۇقسات بەرۋ قۇجاتتارىن بەرمەگەن. ە-ليتسەنزييالاۋ اقپاراتتىق جٷيەسٸندە دە مەلٸمەتتەر جوق بولىپ شىقتى.
جٷك قۇجاتتارىنا مونيتورينگٸ جٷرگٸزۋ بارىسىندا ەلەكتروندىق شوت-فاكتۋرالاردىڭ قر قارجى مينيسترلٸگٸ مەملەكەتتٸك كٸرٸستەر كوميتەتٸنٸڭ ەشف اقپاراتتىق جٷيەسٸندە تٸركەلمەگەنٸ بەلگٸلٸ بولدى. سوندىقتان ۇسىنىلعان قۇجاتتار جالعان بولىپ تابىلادى.
تاۋارلاردىڭ جالپى سوماسى 950 ملن تەڭگەدەن اسادى.
«اتالعان دەرەكتەر زاڭدى تۇلعانىڭ قولدان جاسالعان ەلەكتروندى شوت-فاكتۋرالارىن ۇسىنۋ ارقىلى ناقتى الىنعان كٸرٸستەردٸ جاسىرۋ جەنە سالىق تٶلەۋدەن جالتارۋ نيەتٸ بولعاندىعىن كٶرسەتەدٸ. ماتەريالدار پروتسەسسۋالدىق شەشٸم قابىلداۋ ٷشٸن بقو بويىنشا ەكونوميكالىق تەرگەۋ دەپارتامەنتٸنە بەرٸلدٸ. ٶنٸم جەتكٸزۋشٸگە قاتىستى كەدەندٸك تەكسەرۋ باستالدى», دەدٸ ا.قۋانوۆا.
