باتىس قازاقستان وبلىسىندا ٶتكەن جىلدان بەرٸ 860,3 مىڭ گەكتار اۋىل شارۋاشىلىعى جەرٸ پايدالانىلماي كەلگەن. بۇل تۋرالى وبلىس ەكٸمٸ عالي ەسقاليەۆتٸڭ تٶراعالىعىمەن ٶتكەن اۋىل شارۋاشىلىعى جەرلەرٸن تيٸمدٸ پايدالانۋ مەسەلەسٸنە ارنالعان سەلەكتورلىق كەڭەستە ايتىلدى, دەپ حابارلايدى "ۇلت اقپارات".
وبلىس ەكٸمٸنٸڭ بٸرٸنشٸ ورىنباسارى مۇحتار مانكەەۆتٸڭ جيىندا مەلٸم ەتكەنٸندەي, سونىڭ 75,1 مىڭ گەكتارى مەملەكەت مەنشٸگٸنە قايتارىلدى.
وسىنىڭ ٸشٸندە 25,8 مىڭ گەكتارى جاڭا جەر پايدالانۋشىلارعا بەرٸلدٸ. سونداي-اق شارۋالار 125,4 مىڭ گەكتار جەردٸ يگەرۋگە كٸرٸستٸ. ال 659,8 مىڭ گەكتار جەردٸ قايتارۋ باعىتىندا جۇمىستار جٷرگٸزٸلۋدە.
«قازٸرگٸ تاڭدا قر اۋىل شارۋاشىلىعى مينيسترلٸگٸ پايدالانىلماي جاتقان جەرلەرگە سالىق سالۋ مٶلشەرٸن كەزەڭ-كەزەڭمەن كٶتەرۋ, جەر تەلٸمدەرٸن قايتارماۋعا بولاتىن مەرزٸمدٸ قىسقارتۋ, عارىشتىق مونيتورينگكە كٶشۋ بويىنشا زاڭنامالارعا تيٸستٸ ٶزگەرتۋلەر ەنگٸزۋ مەسەلەلەرٸن قاراستىرۋدا. جاڭا زاڭ جوباسى كٷشٸنە ەنسە, جەردٸ تيٸمدٸ پايدالانۋ باعىتىنداعى جۇمىستار جاندانا تٷسەتٸن بولادى. وبلىستا اۋىل شارۋاشىلىعى جەرٸنٸڭ جالپى كٶلەمٸ 7 ملن 040 مىڭ گەكتار بولسا, سونىڭ 542 مىڭى – ەگٸستٸك, 5527 مىڭى – جايىلىمدىق, 450 مىڭى – شابىندىق, 462 مىڭى – تىڭايعان جەرلەر. دەگەنمەن 1991 جىلعى ەسەپكە قاراعاندا, ٶڭٸردە 12,9 ملن گەكتار اۋىل شارۋاشىلىعى جەرٸ بولعان. كٶپتەگەن جەر تەلٸمٸنٸڭ قوردا تۇرعانى انىقتالدى. وسى كٶرسەتكٸشتٸ قالپىنا كەلتٸرۋ باعىتىندا اۋقىمدى جۇمىس جٷرگٸزٸلۋدە», دەدٸ م.مانكەەۆ.
كەڭەستە سونىمەن قاتار 2019 جىلدىڭ قىركٷيەك جەنە جەلتوقسان ايىندا ٶڭٸر باسشىسى عالي ەسقاليەۆتٸڭ تٶراعالىعىمەن ٶتكەن جيىنداردا اۋىل شارۋاشىلىعى جەرلەرٸن قايتارۋعا قاتىستى اۋدان ەكٸمدەرٸنە بەرٸلگەن تاپسىرمالاردىڭ بٸرقاتارى ورىندالماعانى دا ايتىلدى.
وبلىس پروكۋرورىنىڭ اعا كٶمەكشٸسٸ ازامات تٸلەۋباەۆتىڭ سٶزٸنە قاراعاندا, تەك ٶتكەن جىلدىڭ ٶزٸندە كاداسترلىق قۇنى 9 ملرد استام تەڭگەنٸ قۇرايتىن جالپى كٶلەمٸ 1130 مىڭ گەكتار 2,5 مىڭنان استام جەر تەلٸمٸنٸڭ يگەرٸلمەي جاتقانى بەلگٸلٸ بولدى. پروكۋرورلىق قاداعالاۋ اكتٸلەرٸنە سەيكەس قۇنى 700 ملن استام تەڭگەنٸ قۇرايتىن 108 مىڭ گەكتار 221 جەر تەلٸمٸ مەملەكەت مەنشٸگٸنە قايتارىلدى. قۇنى 3,6 ملرد تەڭگە 749 مىڭ گەكتار جەر (1153 تەلٸم) يگەرٸلە باستالدى. جەر كودەكسٸنٸڭ 94-بابىنا سەيكەس كاداسترلىق قۇنى 1,9 ملرد تەڭگەگە باعالانعان 67 مىڭ گەكتاردى قۇرايتىن 344 جەر تەلٸمٸنە قاتىستى ۇيعارىم قابىلدانىپ, اۋىرتپالىق سالىندى.
بيىلعى بٸرٸنشٸ توقساندا پروكۋراتۋرا اكتٸلەرٸنە سەيكەس بٶكەي ورداسى, بٶرلٸ, سىرىم, تاسقالا جەنە بەيتەرەك اۋداندارىندا قۇنى 80 ملن تەڭگەدەن اساتىن 18664 گەكتار جەر قايتارىلدى.
كەڭەستە وبلىس ەكٸمٸ عالي ەسقاليەۆ اۋىل شارۋاشىلىعى جەرلەرٸن تيٸمدٸ پايدالانباي وتىرعان اگروقۇرىلىمدار تٸزٸمٸن جارييا ەتۋ قاجەتتٸگٸن, سونىمەن قاتار جەر تەلٸمٸن قوسالقى جالداۋعا بەرۋدٸڭ زاڭسىز ەكەندٸگٸن اتاپ كٶرسەتتٸ.
«كەي شارۋالار «بٸرلەسكەن قىزمەت تۋرالى شارت» جاساۋ ارقىلى قوسالقى جالداۋعا بەرٸپ وتىرعان ەرەكەتٸن جاسىرادى. تٸپتٸ جالعان شارت جاساسىپ, جەرٸن جالعا بەرۋ ەسەبٸنەن پايدا كٶرٸپ وتىرعان ٸرٸ شارۋا قوجالىعى يەلەرٸ دە بار. مۇنىڭ بەرٸن زاڭ جٷزٸندە رەتتەۋگە تۋرا كەلەدٸ. ال جەردٸ يگەرۋ بارىسىندا قيىندىققا تاپ بولعان, ايتالىق, قۇرال-جابدىعى كەمشٸن, سۋ كٶزٸنەن تاپشىلىق كٶرٸپ وتىرعان شارۋالارعا قولداۋ كٶرسەتٸلەدٸ. سالىق ينسپەكتسيياسى ماماندارى جەردٸ تيٸمدٸ پايدالانباي وتىرعان اگروقۇرىلىمدارعا ون ەسەلەنگەن كٶلەمدە سالىق سالاتىن بولادى. تاياۋدا «گەواقپاراتتاندىرۋ» پورتالى ٸسكە قوسىلىپ, اگروقۇرىلىمدار جۇمىسى سپۋتنيك ارقىلى باقىلانىپ, كٶزبوياۋشىلىققا بارعاندار ەرەكەتٸ ەشكەرەلەنەدٸ. جيىندا ايتىلعان ۇسىنىس-تٸلەكتەر جيناقتالىپ, زاڭناماعا ٶزگەرٸستەر ەنگٸزۋ مەسەلەسٸ ٷكٸمەت نازارىنا جەتكٸزٸلەتٸن بولادى», دەدٸ ع.ەسقاليەۆ.
