قازتالوۆ اۋداندىق سوتىنىڭ ٷكٸمٸمەن 227 دانا كيٸك مٷيٸزٸن ساتپاق بولعان تۇرعىندار سوتتالدى, دەپ حابارلايدى "ۇلت اقپارات".
قازتالوۆ اۋداندىق پوليتسييا بٶلٸمٸ مەلٸم ەتكەنٸندەي, جەنٸبەك اۋدانى كٷيگەنكٶل اۋىلىنىڭ تۇرعىندارى بەكبولات جۇماقاەۆ پەن باقىتجان قاجىعاليەۆ قر قك 339-بابى 2-بٶلٸگٸ 2-تارماعىنا سەيكەس ايىپتى دەپ تانىلىپ, مٷلٸكتەرٸن تەركٸلەۋسٸز, ەرقايسىسى ٷش جىل مەرزٸمگە باس بوستاندىقتارىنان ايىرىلدى.
سونىمەن قاتار ولار بەس جىلعا دەيٸن اڭشىلىق قىزمەتپەن اينالىسا المايدى.
سوت تالقىسىندا بەلگٸلٸ بولعانىنداي, اتالعان تۇرعىندار 2019 جىلدىڭ قاراشاسى مەن بيىلعى سەۋٸر ايى ارالىعىندا كٷيگەنكٶل مەن قازتالوۆ اۋدانى تەرەڭكٶل اۋىلدىق وكرۋگٸ شەكاراسىندا ورنالاسقان اششىٶزەك ٶزەنٸ بويىنا بٸرنەشە رەت بارىپ, ٶلٸپ جاتقان كيٸكتەردٸڭ مٷيٸزٸن كەسكەن.
بارلىعى 227 دانا مٷيٸزدٸ جيناپ, كٷيگەنكٶل اۋىلى ماڭىنداعى شۇڭقىردا جاسىرىن ساقتاعان. سودان كەيٸن 22 سەۋٸر كٷنٸ كەزدەسٸپ, الدىن الا سٶز بايلاسىپ, مٷيٸزدەردٸ قاپقا سالىپ, ساتۋ ماقساتىمەن ب.جۇماقاەۆ ايداعان «فولكسۆاگەن گولف-2» اۆتوكٶلٸگٸمەن قازتالوۆ اۋدانى قوشانكٶل اۋىلدىق وكرۋگٸنە قاراستى قاراسۋ قىستاعىنا تاسىمالداعان. سول جەردە پوليتسييا قىزمەتكەرلەرٸنٸڭ قولىنا تٷسكەن.
سوت مەجٸلٸسٸندە ب.جۇماقاەۆ پەن ب.قاجىعاليەۆ ٶزدەرٸنە تاعىلعان ايىپتى تولىق مويىنداپ, قىلمىس جاساعاندارىنا ٶكٸنٸپ, قاتاڭ جازالاماۋدى سۇرادى.
سوتتالۋشىلاردىڭ ەرەكەتتەرٸندە كيٸكتٸ ناقتى جويۋ جەنە تابيعاتقا زييان كەلتٸرۋ دەرەگٸ انىقتالماعاندىقتان, جەبٸرلەنۋشٸ مەملەكەتتٸك مەكەمەنٸڭ 464 ملن 967,750 مىڭ تەڭگەنٸ ماتەريالدىق زالال رەتٸندە ٶندٸرۋ تۋرالى ازاماتتىق تالابى قاناعاتتاندىرىلمادى.
سوت ٷكٸمٸ زاڭدى كٷشٸنە ەنگەن جوق.
