باتىس قازاقستان وبلىسىندا جىل باسىنان بەرٸ 133,8 مىڭ توننا دەندٸ داقىلدار, جٷگەرٸ جەنە نۇت ٶنٸمدەرٸ شەتەلگە جٶنەلتٸلدٸ, دەپ حابارلايدى قازاقپارات.
بقو اۋىل شارۋاشىلىعى باسقارماسى ەگٸن شارۋاشىلىعى بٶلٸمٸنٸڭ باسشىسى قۋانىشقالي ەسٸموۆتٸڭ ايتۋىنشا, سونىڭ ٸشٸندە ٶزبەكستانعا – 110,4 مىڭ توننا, اۋعانستانعا – 11,5 مىڭ توننا, تەجٸكستانعا 7,8 مىڭ توننا ٶنٸم ەكسپورتتالدى.
بيىلعى 11 ايدىڭ ٸشٸندە اۋعانستانعا – 14 مىڭ توننا, رەسەيگە – 9,8 مىڭ توننا, تٷركمەنستانعا 5,2 مىڭ توننا اق جايىق استىعى جٶنەلتٸلدٸ.
سونداي-اق 56,2 مىڭنان استام توننا كٷنباعىس ەكسپورتتالسا, سونىڭ باسىم بٶلٸگٸ, ياعني 35 مىڭ تونناسى ٶزبەكستانعا, 5 مىڭ تونناسى قىتايعا, 2,5 مىڭ تونناسى تەجٸكستانعا كەتتٸ.
قىتاي باتىسقازاقستاندىق «تەرەكتٸ ماي زاۋىتىنان» 2,5 مىڭنان استام توننا كٷنباعىس مايىن ساتىپ الدى.
وبلىستا ەگٸنمەن 600 شارۋاشىلىق اينالىسادى, سونىڭ ٸشٸندە 200-دەن استامى كٶكٶنٸس ٶسٸرۋگە دەن قويعان. بيىل 228 مىڭ گەكتارعا – دەندٸ داقىلدار, 118,1 مىڭ گەكتارعا – مايلى داقىلدار, 4,1 مىڭ گەكتارعا – كارتوپ, 3331 گەكتارعا كٶكٶنٸس ەگٸلدٸ.
قۋانىشقالي ەسٸموۆتٸڭ سٶزٸنە قاراعاندا, بيىل استىق ٶندٸرۋشٸلەر ٷشٸن قولايلى جىل بولدى. تٶتەنشە جاعداي مەن كارانتيندٸك شارالارعا قاراماستان, فەرمەرلەر كەدەرگٸسٸز جٷرٸپ-تۇردى. جانار-جاعار مايمەن, قوسالقى بٶلشەكتەرمەن قامتۋدا ٸركٸلٸس بولعان جوق. سونىڭ نەتيجەسٸندە كٶكتەمگٸ ەگٸس جۇمىستارى, كٷزگٸ جيىن-تەرٸن ۋاقتىلى اتقارىلىپ, دەندٸ داقىلداردىڭ جالپى ٶنٸمٸ 292 مىڭ تونناعا جەتتٸ. بۇل ٶتكەن جىلعىدان 30 مىڭ تونناعا ارتىق. ەر گەكتاردان الىنعان ورتاشا ٶنٸم ٶتكەن جىلعىدان (9,9 تسەنتنەر) 3 تسەنتنەرگە ٶسٸپ, 12,9 تسەنتنەردەن اينالدى. ەسٸرەسە, كٷزدٸك بيدايدىڭ ەر گەكتارىنا 24,8 تسەنتنەردەن كەلدٸ. بۇل كٷزدٸك بيداي ەگۋدٸڭ تيٸمدٸلٸگٸن كٶرسەتەدٸ.
ديقاندار الداعى جىلدىڭ ٶنٸمٸنەن دە ٷمٸتتٸ. سوندىقتان بيىل جوسپارداعى 86 مىڭنىڭ ورنىنا 95,2 مىڭ گەكتار القاپقا كٷزدٸك بيداي ەگٸلدٸ. ٶتكەن جىلى ەگٸن شارۋاشىلىقتارى 81 مىڭ گەكتارعا كٷزدٸك بيداي سەپكەن ەدٸ.
«بيىل ەلەمدٸك نارىقتا اۋىل شارۋاشىلىعى تاۋارلارىنا قولايلى باعا قالىپتاسقانىن ايتا كەتۋ كەرەك. فەرمەرلەر كٷزدٸك بيداي مەن كٷنباعىستى كٶبٸرەك ەگۋدٸڭ پايداسىن كٶردٸ. ٶتكەن جىلى كٷزدە مايلى داقىلداردىڭ ەر تونناسىنا باستاپقى باعا 70 مىڭ تەڭگە بولسا, بيىل 140 مىڭ تەڭگەگە جەتتٸ. دەندٸ داقىلدارعا دا باعا 70 مىڭنان 95 مىڭ تەڭگەگە دەيٸن ٶستٸ. بۇل باتىسقازاقستاندىق تاۋار ٶندٸرۋشٸلەرگە ٶز ٶنٸمدەرٸن شەتەلگە تيٸمدٸ باعامەن ساتۋعا مٷمكٸندٸك بەردٸ», دەدٸ قۋانىشقالي ەسٸموۆ.
