سەنات دەپۋتاتى دارحان مىڭباي ميكرو جەنە شاعىن بيزنەستٸ 3 جىلعا تابىس سالىعىنان بوساتۋ جەڭٸلدٸگٸ – بيزنەستٸڭ تىنىسىن اشاتىنىن ايتادى, دەپ حابارلايدى قازاقپارات.
«اڭعارساڭىز, بۇل جەردە پرەزيدەنت بٸرٸنشٸ رەت شاعىن بيزنەستٸ ورتا بيزنەستەن بٶلٸپ ايتىپ وتىر. بۇرىن شاعىن جەنە ورتا بيزنەس دەپ كەلدٸك قوي. ال بٷگٸن شاعىن بيزنەستٸ قولداۋ بويىنشا ناقتى تاپسىرمالار بەرٸلدٸ. مەسەلەن, شاعىن بيزنەس ٶكٸلدەرٸنەن ٷش جىلعا دەيٸن تابىس سالىعى ۇستالمايتىنى تۋرالى ايتىلىپ جاتىر. بيزنەستٸڭ جولى اشىلدى دەگەن ويدامىن», - دەدٸ دارحان مىڭباي پارلامەنتتٸڭ بٸرلەسكەن وتىرىسىنان كەيٸن تٸلشٸلەردٸڭ ساۋالىنا جاۋاپ بەرە وتىرىپ.
سەناتوردىڭ پٸكٸرٸنە قۇلاق اسساق, قاسىم-جومارت توقاەۆ ٶزٸنٸڭ جولداۋىندا بارلىق سالاعا بايلانىستى, ەسٸرەسە بٸلٸم, مەدەنيەت, ەكولوگييا سالالارىنا قاتىستى ناقتى تاپسىرمالار بەردٸ.
«مەملەكەت باسشىسى ەكونوميكانىڭ قاي سالاسىنان قاراجاتتى ٷنەمدەۋگە بولاتىنىن دا اتاپ ٶتتٸ. ياعني, ول اسپاننان تٷسەتٸن قارجى ەمەس – تەك ٷنەمدەۋ, مەملەكەتتٸك ساتىپ الۋ زاڭىن جەتٸلدٸرۋ ارقىلى كەلەتٸن قارجى. سوعان بايلانىستى پارلامەنتكە كٶپتەگەن زاڭداردى ەزٸرلەۋ بويىنشا ناقتى تاپسىرمالار بەرٸلٸپ وتىر. ەسٸرەسە, ەكولوگييالىق كودەكستەردٸ قايتا قاراۋدىڭ ماڭىزى زور. بٸزدٸڭ قازٸرگٸ كەسٸپورىندارعا بايلانىستى ٷلكەن كٶمەگٸن بەرەدٸ دەپ ويلايمىن», - دەدٸ دارحان مىڭباي.
ەسكە سالا كەتسەك, بٷگٸن قر پرەزيدەنتٸ قاسىم-جومارت توقاەۆ قازاقستان حالقىنا جولداۋىن جارييالادى. جولداۋدا پرەزيدەنت ميكرو جەنە شاعىن بيزنەستٸ تابىسقا سالىناتىن سالىقتان 3 جىلعا بوساتۋدى تاپسىردى.
