ەاەو اياسىندا بيزنەسمەندەر تاپ بولعان كەدەرگٸلەردٸ جويۋ جۇمىستارى جالعاسىپ جاتىر. بۇل تۋرالى «اتامەكەن» ۇكپ-داعى قازاقستاننىڭ بيزنەس-قوعامداستىعىمەن ديالوگ الاڭىندا ەەك بەسەكەلەستٸك بويىنشا القا مٷشەسٸ (مينيسترٸ) سەرٸك جۇمانعارين مەلٸم ەتتٸ, دەپ حابارلايدى قازاقپارات تٸلشٸسٸ.
«ەۋرازييالىق ەكونوميكالىق وداق اياسىندا ويىن ەرەجەلەرٸ ٶزگەردٸ, ياعني بەسەكەلەستٸك كٶبەيدٸ. جالپى, جاڭا ەرەجەلەردٸ بٸلۋ كەرەك. قازٸرگٸ ۋاقىتتا قازاقستان ٶڭٸرلەرٸن ارالاپ جٷرمٸن. ٶتكەن كٷندەرٸ ەلٸمٸزدٸڭ بٸرقاتار وبلىستارىندا بولدىق, الداعى كٷندەرٸ باسقا دا ٶڭٸرلەرگە بارامىز. وسى ورايدا بيزنەسمەندەر ٶزدەرٸنٸڭ ۇسىنىستارىن بەرٸپ جاتىر. كٶبٸسٸ سىرتقى نارىققا شىعۋدىڭ ويىن ەرەجەلەرٸن بٸلمەيدٸ. بٸرٸنشٸدەن, تاۋاردىڭ ساپاسى بولۋى شارت. ەكٸنشٸدەن, كٶبٸنە كٶرشٸلەس رەسەيدٸڭ بيزنەسمەندەرٸ مەن قازاقستان كەسٸپكەرلەرٸ بٸر سالادا جۇمىس ٸستەپ جاتىر. سەيكەسٸنشە, بەسەكەلەستٸك دەڭگەيٸ ايتارلىقتاي ارتتى», - دەدٸ س. جۇمانعارين.
وسى ورايدا ول ەلٸمٸزدٸڭ بيزنەسمەندەرٸ جاڭا تەحنولوگييالاردى تارتۋعا, جۇمىسشىلاردىڭ بٸلٸكتٸلٸگٸن ارتتىرۋعا جەنە ٶزگە دە ماڭىزدى قادامدارعا نازار اۋدارۋى كەرەكتٸگٸن اتاپ ٶتتٸ.
«بٸزدٸڭ باستى ماقساتىمىز – بيزنەسكە كٶمەكتەسۋ. بٸراز كەدەرگٸلەر بار جەنە ولاردىڭ جارتىسى زاڭدى بولسا, جارتىسى زاڭسىز. زاڭسىز كەدەرگٸلەرمەن قالاي كٷرەسۋگە بولادى? بۇل تۇرعىدا ارىز جازۋ كەرەك. وسى ورايدا بۇل شاعىمدار قارالىپ, كوميسسيياعا شىعارىلادى. كەدەرگٸ جاساپ وتىرعان مەملەكەتكە قاتىستى شەشٸم قابىلدانادى. بۇل شەشٸمدٸ ولار ٷش ايدىڭ ٸشٸندە ورىنداۋى تيٸس. ال ورىنداماسا, كەڭەستٸڭ قاراۋىنا ۇسىنامىز. بۇل تۇرعىدا جوعارى دەڭگەيدە تالقىلانادى», - دەدٸ سەرٸك جۇمانعارين.
ونىڭ اتاپ ٶتۋٸنشە, بٷگٸندە بٸراز كەدەرگٸلەر شەشٸمٸن تاپتى.
سونداي-اق, ول ەەك اياسىندا تەكسەرٸلٸپ جاتقان ٸستەر تۋرالى ايتىپ بەردٸ.
«بٸزدە «قولايلى ەرەجە» ينستيتۋتى ەنگٸزٸلگەن. بٸرٸنشٸ كەزەكتە نورمالاردى بۇزعان تاراپقا كەدەرگٸلەردٸ جويۋعا مٷمكٸندٸك بەرەمٸز. ەگەر دە سول تاراپ بٸزدٸڭ ۋەجبەن كەلٸسسە, وندا ٸس قوزعالمايدى. ال ەگەر قالىپتاسقان جاعدايدى دۇرىستاماسا, تەكسەرۋ شارالارى جٷرگٸزٸلەدٸ», - دەدٸ س. جۇمانعارين «اتامەكەن» ۇكپ-دا تٸلشٸلەرگە بەرگەن سۇحباتىندا.
وسى ورايدا ول ناقتى مىسالعا توقتالدى.
«قازٸرگٸ كەزدە بٸز بٸر ٸس بويىنشا تەكسەرۋدٸ اياقتاۋعا جاقىندادىق. قۇلاعى ناشار ەستيتٸن بالالارعا قاجەتتٸ كوحلەارلىق اپپاراتتارعا قاتىستى بولىپ وتىر. اتاپ ايتقاندا, ەۋرازييالىق ەكونوميكالىق وداقتىڭ ٸشكٸ نارىعىنا اپپاراتتاردى جەتكٸزەتٸن كومپانييا نارىقتى ٶزارا بٶلٸسكە تٷسٸرگەن. ياعني قازاقستاندىقتىڭ اپپاراتتى رەسەيدە بارىپ ساتىپ الۋعا مٷمكٸندٸگٸ جوق, ونى قايتادان قازاقستانعا كەرٸ قايتارادى. نەتيجەسٸندە, قۇرىلعىنىڭ باعا ايىرماشىلىعى 2,5 ەسەگە دەيٸن جەتەدٸ. ەلٸمٸزدە وسى كوحلەارلىق اپپاراتتار ٷشٸن بيۋدجەت تٶلەيدٸ. بٷگٸندە تەرگەۋ شارالارىن اياقتاپ قالدىق. مەنٸڭ ويىمشا, اپپارات بويىنشا شەكتەۋلەردٸ جويىپ, باعانى تەڭەستٸرەمٸز», - دەدٸ سەرٸك جۇمانعارين.
ونىڭ اتاپ ٶتۋٸنشە, ەل تۇرعىندارى ٷشٸن اتالعان قۇرىلعىلارعا قولجەتٸمدٸك ارتا تٷسەدٸ.
«ەكٸنشٸدەن, وسى شارالاردىڭ ارقاسىندا بيۋدجەتكە دە تيٸمدٸ بولادى. وسى تەكتەس تەرگەۋ امالدارى بٸزدە جٷرٸپ جاتىر», - دەدٸ سەرٸك جۇمانعارين.
