"قازاقستاندىق بيزنەسمەن قايرات بورانباەۆ ۇستالدى", - دەپ حابارلادى قازتاگ پەن Vlast.kz سايتتارى.
قازتاگ بورانباەۆتى قارجىلىق مونيتورينگ اگەنتتٸگٸنٸڭ قىزمەتكەرلەرٸ ۇستاپ, تەرگەۋ يزولياتورىنا قاماعانىن جازدى. ال Vlast.kz سايتىنىڭ دەرەگٸنشە, بورانباەۆتان الماتى قالاسى قارجى مونيتورينگ دەپارتامەنتٸ جاۋاپ العان.
رەسمي ورگاندار ەزٸرگە بۇل اقپاراتتى راستامادى دا, جوققا دا شىعارعان جوق.
قايرات بورانباەۆ - ەلدٸڭ ەكس-پرەزيدەنتٸ نازارباەۆتىڭ قىزى داريعا نازارباەۆانىڭ بۇرىنعى قۇداسى. بورانباەۆتىڭ قىزى اليما بورانباەۆا داريعانىڭ ۇلى ايسۇلتان نازارباەۆقا (2020 جىلى قايتىس بولعان) تۇرمىسقا شىققان. كەيٸن ايسۇلتان مەن اليما اجىراسىپ كەتكەن.
بورانباەۆ Forbes Kazakhstan رەيتينگٸ بويىنشا, قازاقستانداعى ەڭ باي ەلۋ بيزنەسمەننٸڭ قاتارىنا كٸرەدٸ. بايلىعى – 519 ميلليون دوللار. ول 2000-2002 جىلدارى "قازترانسگاز" كومپانيياسىنىڭ اتقارۋشى ديرەكتورى جەنە "Intergas Central Asia" كوممەرتسييالىق ديرەكتورى, 2006-2014 جىلدارى "قازروسگاز" كومپانيياسىنىڭ باس ديرەكتورى بولدى.
بورانباەۆ – الماتىنىڭ "قايرات" فۋتبول كومانداسىنىڭ يەسٸ. Fitnation فيتنەس كلۋبىنىڭ, "راحات پالاس", Comfort Hotel Astana قوناق ٷيلەرٸنٸڭ يەسٸ, Esentai Mall, Esentai Tower بيزنەس ورتالىعىن, "المالى" ساۋدا ورتالىعىن, لاتۆيياداعى Jurmala Golf Club & Hotel قوناقٷيٸن سەرٸكتەسٸمەن بٶلٸسٸپ باسقارادى. McDonalds تاماقتانۋ ورنىنىڭ قازاقستانداعى جەنە رەسەيدەگٸ فرانچايزينگ يەسٸ.
ونىڭ بريتانييا, چەحييا, رەسەيدە قىمبات ٷيلەرٸ بارى دا بەلگٸلٸ بولعان.
بورانباەۆ قاراعاندىداعى فارماتسەۆتيكالىق كەشەنٸن دە باقىلايدى. قازاقستان بيلٸگٸ "سپۋتنيك V" ەكپەسٸن قاراعاندى فارمكەشەنٸندە شىعارۋ ٷشٸن 15 ميلليارد 175 مىڭ تەڭگە بٶلگەن.
بورانباەۆ جايلى حابار نازارباەۆتىڭ نەمەرە ٸنٸسٸ قايرات ساتىبالدىۇلى ۇستالعان سوڭ ەكٸ كٷننەن كەيٸن شىقتى. 13 ناۋرىزدا جەمقورلىققا قارسى اگەنتتٸك ساتىبالدىۇلىن شەتەلگە ۇشپاق بولعان جەرٸنەن ۇستاعانىن حابارلاعان. 15 ناۋرىزدا سوت قايرات ساتىبالدىۇلىن ەكٸ ايعا قاماعان. ول "قازاقتەلەكوم" كومپانيياسىنان اسا ٸرٸ كٶلەمدە اقشا جىمقىردى دەگەن كٷدٸككە ٸلٸندٸ.
