دەنساۋلىق ساقتاۋ جٷيەسٸنە قاجەت تەحنيكالىق كادرلاردى دايارلاۋ ٸسٸن قولعا العا جٶن. بۇل تۋرالى ۇلتتىق قوعامدىق سەنٸم كەڭەسٸنٸڭ 6-وتىرىسىندا قر پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«بٸزدە جوعارى تەحنولوگييالى مەديتسينالىق قۇرال-جابدىقتىڭ قىر-سىرىن بٸلەتٸن بٸلٸكتٸ مامان تاپشى. بۇل مەسەلەنٸ ۇلتتىق كەڭەستٸڭ مٷشەسٸ تەتتٸگٷل تالاەۆا كٶتەرگەن بولاتىن.
دەنساۋلىق ساقتاۋ جٷيەسٸنە قاجەت تەحنيكالىق كادرلاردى دايارلاۋ ٸسٸن قولعا العان جٶن. مامانداردى, ەسٸرەسە بيوينجەنەرلەردٸ وقىتۋعا مەديتسينالىق تەحنيكا شىعاراتىن كومپانييالاردى بارىنشا تارتۋ كەرەك.
مەديتسينالىق قۇرال-جابدىقتاردى كٷتٸپ ۇستاۋ اسا ماڭىزدى. بۇل جۇمىسپەن كەشەندٸ تٷردە اينالىسۋ قاجەت. ٷكٸمەتكە مەديتسينالىق تەحنيكانى جٶندەپ, ونىڭ دۇرىس جۇمىس ٸستەۋٸن قامتاماسىز ەتۋ مەسەلەسٸن جان-جاقتى قاراستىرۋدى تاپسىرامىن. بۇل سالاداعى جۇمىس جٷيەلەنسە, بيۋدجەت شىعىنى ازايادى. دەنساۋلىق ساقتاۋ مەكەمەلەرٸندەگٸ تەحنيكا بۇزىلىپ, بوسقا تۇرمايتىن بولادى.
جالپى, بٸلٸم ساپاسى جاقسارسا, تۇتاس ۇلتتىڭ بەسەكەگە قابٸلەتٸ ارتادى. وسى سالاعا سالىنعان ينۆەستيتسييا بولاشاقتا ەسەلەپ قايتادى. جاستاردىڭ تابىسقا جەتۋٸنە جەنە ەل يگٸلٸگٸ ٷشٸن ەڭبەك ەتۋٸنە جول اشىلادى», - دەدٸ مەملەكەت باسشىسى.
