Densaýlyq saqtaý júiesine qajet tehnikalyq kadrlardy daiarlaý isin qolǵa alǵa jón. Bul týraly Ulttyq qoǵamdyq senim keńesiniń 6-otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Bizde joǵary tehnologiialy meditsinalyq qural-jabdyqtyń qyr-syryn biletin bilikti maman tapshy. Bul máseleni Ulttyq keńestiń múshesi Táttigúl Talaeva kótergen bolatyn.
Densaýlyq saqtaý júiesine qajet tehnikalyq kadrlardy daiarlaý isin qolǵa alǵan jón. Mamandardy, ásirese bioinjenerlerdi oqytýǵa meditsinalyq tehnika shyǵaratyn kompaniialardy barynsha tartý kerek.
Meditsinalyq qural-jabdyqtardy kútip ustaý asa mańyzdy. Bul jumyspen keshendi túrde ainalysý qajet. Úkimetke meditsinalyq tehnikany jóndep, onyń durys jumys isteýin qamtamasyz etý máselesin jan-jaqty qarastyrýdy tapsyramyn. Bul saladaǵy jumys júielense, biýdjet shyǵyny azaiady. Densaýlyq saqtaý mekemelerindegi tehnika buzylyp, bosqa turmaityn bolady.
Jalpy, bilim sapasy jaqsarsa, tutas ulttyń básekege qabileti artady. Osy salaǵa salynǵan investitsiia bolashaqta eselep qaitady. Jastardyń tabysqa jetýine jáne el igiligi úshin eńbek etýine jol ashylady», - dedi Memleket basshysy.
