قر بعم ۆيتسە-مينيسترٸ اسلانبەك امرين استانادا «عىلىم مەن بيزنەستٸ بٸرٸكتٸرۋ قۇرالى رەتٸندە تەحنولوگييالاردى كوممەرتسييالاندىرۋ» فورۋمىندا قازاقستاندىق عالىمداردىڭ جۇمىسىنداعى كەمشٸلٸكتەردٸ اتاپ ٶتتٸ, دەپ حابارلايدى قازاقپارات تٸلشٸسٸ.
«ەلەم بيوتەحنولوگييا, ينتەرنەت-تاراتۋ, تسيفرلاندىرۋ, جاساندى ينتەللەكت, نەيروجەلٸ تۇرعىسىندا ەلدەقايدا العا باسىپ كەتتٸ. ال قازاقستاندى الداعى ۋاقىتتا نە كٷتٸپ تۇر? عىلىمداعى بٷگٸنگٸ باستى ترەند - جاساندى ينتەللەكتتٸ بارلىق سالاعا, سونىڭ ٸشٸندە عىلىمعا دا ەنگٸزۋ بولىپ وتىر. مەسەلەن, بٸز ەلەۋمەتتٸك جەلٸ مەن موبيلدٸ قوسىمشانى قولدانا وتىرىپ, كٶپتەگەن مٷمكٸندٸكتەرگە يە بولدىق. مۇنىڭ بارلىعىن بٷگٸن نەيروجەلٸلەر جٷزەگە اسىرادى», - دەيدٸ ول.
ۆيتسە-مينيستردٸڭ ايتۋىنشا, الداعى ۋاقىتتا زەرتحاناشىلار جۇمىس ٸستەپ جٷرگەن جەردە نەيروجەلٸلەر جۇمىس اتقاراتىن بولادى. ەرتە مە, كەش پە بۇل ٷردٸستٸڭ كەلەتٸنٸن ايتقان ول كەلەشەكتە كەيبٸر پەرسونال تەك اقپاراتتىڭ كٶزٸ بولىپ قانا قالۋى مٷمكٸن ەكەنٸن ايتادى.
«ەڭ باستىسى جاڭا ٶندٸرٸستٸك تٶڭكەرٸس كەزٸندەگٸدەي جۇمىس ورىندارىنىڭ جوعالۋىنا دايىن بولۋىمىز كەرەك. 4.0 يندۋستريياسى دەل وسىعان ەكەلەدٸ. وعان دايىن بولۋىمىز كەرەك. سٸزدەردٸڭ لابورانتارىڭىز كٷندەلٸكتٸ جاساپ جٷرگەن زەرتتەۋلەر ٶتە ارزان بولىپ قالۋى ىقتيمال. ماشينا بەسەكەگە قابٸلەتسٸز عالىمداردى ىسىرۋى مٷمكٸن. سوندىقتان, بۇل ٶزگەرٸسكە عالىمدار دايىن بولۋى تيٸس», - دەيدٸ ول.
اسلانبەك امرين قازاقستاندىق عالىمداردىڭ تەك جاساندى ينتەللەكت تۇرعىسىنان ەمەس, ٶزگە دە سالادا ارتتا قالعانىن ايتادى.
«قازٸرگٸ قولدانبالى عىلىمداعى احۋالعا, ياعني شەتەلدٸك جەنە قازاقستاندىق پاتەنتتەرگە كٶز جٷگٸرتەيٸك. 2016 جىلى بٸزدٸڭ وتاندىق پاتەنتتٸڭ ساتىلۋىنان بار-جوعى 1 ميلليون اقش دوللارى عانا تٷسكەن. بٸز سٸزدەرگە مىقتىلارمەن تەڭەسۋدٸ ۇسىنامىز», - دەيدٸ ۆيتسە-مينيستر.
ونىڭ ايتۋىنشا, قازاقستان ديناميكالىق تۇرعىدا دامىپ كەلە جاتقانىمەن, يننوۆاتسييا, عىلىمي ماقالالار, بيزنەسپەن جۇمىس تۇرعىسىنان كٶرسەتكٸش ەلەمدٸك ترەندتەرگە قاراعاندا جوعارى دەڭگەيدە ەمەس.
«باق تاراپىنان بٸلەتٸندەرٸڭٸزدەي, بٸزدٸڭ عالىمداردى فەيكتٸك جۋرنالدارعا ماقالا جارييالاۋ تۇرعىسىنان تٸپتٸ الاياقتار الداپ كەتەدٸ. بۇل عالىمدار مەن عىلىمنىڭ دەڭگەيٸن كٶرسەتەدٸ. قۇرمەتتٸ عالىمدار! بٸز بەرٸمٸز دە كٶپتەگەن سالادا بٸر ورىندا تۇرىپ قالدىق. عىلىمي العا جىلۋ دەگەننٸڭ نە ەكەنٸن ۇمىتىپ كەتتٸك. بٸزدە عىلىمي العا جىلجۋ جوق. ەلەمدٸك بازالارعا بٸر رەت كٶز جٷگٸرتۋدٸڭ ٶزٸ جەتەدٸ. ٶزگەرٸس كەرەك. بارلىق ترەندتەر مەن باسىمدىقتار ەلباسىنىڭ «رۋحاني جاڭعىرۋ» باعدارلاماسىندا ايتىلعان. ساياسي جٸگەر بار. جوسپاردى سٸزدەرمەن بٸرگە اتقارىپ, العا باسۋ كەرەك», - دەيدٸ ۆيتسە-مينيستر.
اسلانبەك امرين عىلىمي تۇرعىدا نەتيجە جوق بولعاننان كەيٸن حالىقتىڭ بۇل سالاعا سەنٸمٸ ازايىپ, مەملەكەت تاراپىنان بيۋدجەتتەن بٶلٸنەتٸن اقشا ازايعانىن جەتكٸزدٸ.
