قازاقستاننىڭ تۇڭعىش پرەزيدەنتٸ نۇرسۇلتان نازارباەۆ ەۋرازييا ەلدەرٸنٸڭ پارلامەنت سپيكەرلەرٸن ماڭىزدى بٸر مەسەلەگە نازار اۋدارۋعا ٷندەدٸ, دەپ حابارلايدى Sputnik قازاقستان.
"بٷگٸندە پلانەتامىز قايتادان قاۋٸپتٸ شەكاراعا كەلٸپ قالدى. جاپپاي قىرىپ جوياتىن قارۋدىڭ كٶمەگٸمەن III دٷنيەجٷزٸلٸك سوعىس باستالسا, ول بٸزدٸڭ ٶركەنيەتٸمٸز ٷشٸن سوڭعى سوعىس بولۋى ەبدەن مٷمكٸن", - دەدٸ نازارباەۆ ەۋرازييا ەلدەرٸ پارلامەنتتەرٸ سپيكەرلەرٸنٸڭ IV كەڭەسٸندە.
ەلباسى بىلتىردان بەرٸ رەسەي, قىتاي, اقش پەن ەۋروپا وداعىنىڭ اراسىندا كەلٸسسٶزدەردٸ باستاۋ قاجەتتٸگٸن ايتىپ كەلە جاتقانىن ەسكە سالدى. سەبەبٸ ەلەمدەگٸ تىنىشتىق پەن بەيبٸت ٶمٸر دەل وسى دەرجاۆالارعا بايلانىستى.
"بٷگٸندە وسى مەملەكەتتەردٸڭ اراسىنداعى تەكەتٸرەس پەن سەنٸمسٸزدٸك بارلىق ەلەمدٸ الاڭداتىپ وتىر. دەل وسى دەرجاۆالار II دٷنيەجٷزٸلٸك سوعىستان كەيٸن كەلٸسسٶزدەر ٶتكٸزٸپ, بٸرٸككەن ۇلتتار ۇيىمىن قۇردى. I دٷنيەجٷزٸلٸك سوعىستان كەيٸن دە دەل سولاي بولدى. مەنٸڭشە, قازٸر سونداي جاعداي بولىپ تۇر. وسى ەلدەردٸڭ باسشىلارى ادامزاتتىڭ بولاشاعى, حالىقارالىق تۇراقتىلىق پەن قاۋٸپسٸزدٸك ٷشٸن ٶز جاۋاپكەرشٸلٸگٸن سەزٸنٸپ وتىر دەپ بٸلەمٸن. ولار پلانەتاداعى شيەلەنٸستٸ شەشۋدٸڭ جولدارىن تابۋى قاجەت", - دەدٸ نازارباەۆ.
قازاقستاننىڭ تۇڭعىش پرەزيدەنتٸ دەرجاۆالاردىڭ ديالوگىن كٷشەيتۋ ماقساتىندا كەلەسٸ جىلى نۇر-سۇلتان قالاسىندا وسى ەلدەردٸڭ پارلامەنت باسشىلارىنىڭ بەيرەسمي كەزدەسۋٸن ٶتكٸزۋدٸ ۇسىندى. بۇدان بٶلەك, نازارباەۆ ەۋرازييا ەلدەرٸ پارلامەنت سپيكەرلەرٸن حالىقارالىق كەلٸسٸمدەردٸ راتيفيكاتسييالاۋعا ٷندەدٸ. مەسەلەن, كليمات بويىنشا پاريج كەلٸسٸمٸن ەلٸ كٷنگە دەيٸن بٸراز مەملەكەت رەسٸمدەگەن جوق.
"يادرولىق سىناقتارعا جەنە يادرولىق قارۋ-جاراققا تىيىم سالۋ سيياقتى كەلٸسٸمدەردٸڭ جاعدايى دا سونداي بولىپ وتىر. يادرولىق دەرجاۆالاردىڭ ول قارۋدى جەتٸلدٸرٸپ, كومپيۋتەرلٸك ويىندار سيياقتى سىناقتان ٶتكٸزٸپ جٷرگەنٸ دۇرىس ەمەس. ەدٸلدٸككە جاتپايدى. يادرولىق دەرجاۆالار وسى باستامانى بٸرٸنشٸ بولىپ كٶتەرۋٸ كەرەك. ونسىز مەسەلە شەشٸلمەيدٸ", - دەيدٸ نازارباەۆ.
