استانادا قازاق سايتتارى رەداكتورلارىنىڭ فورۋمى باستالدى. شارانىڭ نەگٸزگٸ ماقساتى - قازاق تٸلدٸ سايتتاردى دامىتۋ, كونتەنت ساپاسىن كٶتەرۋ, دەپ xابارلايدى قازاقپارات تٸلشٸسٸ.
فورۋمنىڭ بٸرٸنشٸ سەسسيياسىندا «مٸنبەر» جۋرناليستەردٸ قولداۋ قورىنىڭ جەتەكشٸسٸ ەسەنگٷل كەپقىزى قازاق سايتتارىنىڭ نەگٸزگٸ مەسەلەلەرٸن اتاپ ٶتتٸ.
ونىڭ ايتۋىنشا, قازاق تٸلدٸ كەڭٸستٸكتە قارجى-ەكونوميكالىق ماتەريالدار از. ال سايتتاردىڭ ٶزدەرٸ جەڭٸل-جەلپٸ تاقىرىپتاردان شىعا الماي جاتادى.
«قازٸر بٸز قانداي وقىرماندى تەربيەلەپ وتىرمىز? بٸز بٷگٸنگٸ ماڭىزدى مەسەلەلەردٸ ەمەس, جۇلدىزدار جەنە تاعى باسقا سەنساتسييالىق جاڭالىقتى ٸزدەيتٸن وقىرماندى تەربيەلەپ وتىرعان سيياقتىمىز. تٸپتٸ, بەس جاستاعى بالانىڭ ٶزٸ ەنشٸنٸڭ ٶمٸرٸن بەس ساۋساعىنداي بٸلٸپ وتىرادى. بٸراق ٶزٸنە قاجەتتٸ اقپاراتتاردى بٸلمەيدٸ. نەگە? ٶيتكەنٸ بٸز ٶزٸمٸز قاجەتتٸ اقپاراتتى بەرمەيمٸز», - دەيدٸ ەسەنگٷل كەپقىزى.
زەرتتەۋگە سەيكەس, سوڭعى جىلدارى قازاق سايتتارىنىڭ سانى ٶسكەن. الايدا ولاردىڭ اراسىندا بەسەكەلەستٸك تٶمەن بولىپ تۇر. سەبەبٸ سالا-سالا بويىنشا بٶلٸنٸپ, تۇششىمدى دٷنيەلەردٸ جارييالاۋ جاعى كەنجەلەپ كەلەدٸ. قازاق سايتتارى بٸر-بٸرٸنٸڭ اقپاراتتارىن كٶشٸرٸپ باسا سالادى. سٶيتٸپ, كونتەنت بٸرتەكتٸ, ال قازاق سايتتارىنىڭ جەكە ٸزدەنٸسٸ, جەكە قولتاڭباسى جوق. مۋلتيمەدييالىق ٶنٸمدەردٸ پايدالانۋ كٶرسەتكٸشٸ دە تٶمەن بولىپ شىعادى.
«تاعى بٸر مەسەلە ول - تاقىرىپتىڭ تايازدىعى. بۇل - بٸزدٸڭ ٶز قاتەلٸگٸمٸز. بٸز نەعۇرلىم ساپالى كونتەنت ۇسىنساق, وقىرماننىڭ تالابى دا سوعۇرلىم ارتادى. سوندىقتان تاقىرىپتاردىڭ اياسىن كەڭەيتۋ كەرەك. بٸزدٸڭ بايقاعانىمىز, قازاق سايتتارى كٶتەرەتٸن بٸرنەشە تاقىرىپ بار. ول - ەلەۋمەتتٸك مەسەلەلەر, تٸل مەسەلەسٸ جەنە ۇلتتىق مەسەلە. وسى تاقىرىپتاردىڭ تٶڭٸرەگٸندە كٶبٸرەك ەڭگٸمە قوزعايمىز. ال قارجى مەن ەكونوميكا سالاسىنا تەرەڭدەپ ەنە المايمىز. نەگٸزٸ, ونداي تاقىرىپتارعا سۇرانىس جوعارى», - دەپ اتاپ كٶرسەتتٸ ول.
وسى ورايدا قور جەتەكشٸسٸ مەملەكەتتٸك تاپسىرىس مەسەلەسٸنە دە توقتالدى.
ونىڭ ايتۋىنشا, قازاق سايتتارى مەملەكەتتٸك تاپسىرىسقا نەعۇرلىم تەۋەلدٸ بولسا, تاقىرىپ اياسى سوعۇرلىم تارىلا تٷسەدٸ.
«مەملەكەتتٸك تاپسىرىس بولماسىن دەمەيمٸز. تاپسىرىستى الۋ كەرەك. بٸراق وسى مەسەلەنٸڭ باسقا بٸر جولدارىن قاراستىرۋ قاجەت. مەسەلەن, مەملەكەتتٸڭ ٸشكٸ كونتەنتكە ارالاسپاۋى, ٸشكٸ كونتەنتتٸ باسقارماۋى. ٶيتكەنٸ بٷگٸندە بٸز ەلەۋمەتتٸك جەلٸلەردەن قالىپ قويىپ وتىرمىز. قوعامدىق پٸكٸردٸ قالىپتاستىرۋ جاعىنان بۇقارالىق اقپارات قۇرالدارى ەمەس, ەلەۋمەتتٸك جەلٸلەردٸڭ ٷلەسٸ باسىم بولىپ تۇر», - دەدٸ جۋرناليست ەسەنگٷل كەپقىزى.
بارلىق قۇقىقتار قورعالعان. inform.kz بەلسەندٸ سٸلتەمەنٸ پايدالانىڭىز http://www.inform.kz/kz/kazak-sayttarynyn-takyryptary-tayaz-zertteu_a3101087
