قاسىم-جومارت توقاەۆ جەتەكشٸ نەمٸس كومپانييالارى ٶكٸلدەرٸنە ارنالعان ٸسكەرلٸك داستارحان باسىندا قازاقستاننىڭ ەكونوميكالىق جەنە ينۆەستيتسييالىق ەلەۋەتٸ تۋرالى ەڭگٸمەلەدٸ.
قازاقستان پرەزيدەنتٸ ەۋروپا وداعىنا مٷشە مەملەكەتتەردٸڭ ٸشٸندە گەرمانييانىڭ قازاقستان ٷشٸن نەگٸزگٸ ساۋدا-ەكونوميكالىق سەرٸكتەس ەكەنٸن اتاپ ٶتٸپ, ەلٸمٸزدٸڭ ىنتىماقتاستىقتى دامىتۋعا نيەتتٸ ەكەنٸن جەتكٸزدٸ.
– قازاقستان پرەزيدەنتٸ رەتٸندە گەرمانييادان ەلٸمٸزگە ينۆەستيتسييا مەن كەسٸپكەرلەردٸ تارتۋ جەنە بيزنەس ٶكٸلدەرٸنٸڭ ٶزدەرٸن قاۋٸپسٸز سەزٸنٸپ, تابىستى دامۋى ٷشٸن بار كٷش-جٸگەرٸمدٸ جۇمسايمىن. بٸز نەمٸس كەسٸپكەرلەرٸ ٷشٸن ەرەكشە جاعداي جاساۋعا دايىنبىز, – دەدٸ مەملەكەت باسشىسى.
پرەزيدەنت قازاقستاننىڭ ٶز ستاندارتتارىن جاقسارتۋعا, بولاشاقتا ەكونوميكالىق ىنتىماقتاستىق جەنە دامۋ ۇيىمىنىڭ تولىققاندى مٷشەسٸ بولۋ ٷشٸن زاڭنامالاردى وسى ۇيىم دەڭگەيٸنە دەيٸن كٶتەرۋگە ۇمتىلاتىنىن مەلٸمدەدٸ. سونىمەن قاتار قاسىم-جومارت توقاەۆ قازاقستاننىڭ قولايلى گەوگرافييالىق جاعدايى مەن ورنىقتى سىرتقى ەكونوميكالىق ساياساتى شەتەلدٸك ينۆەستورلار ٷشٸن زور مٷمكٸندٸكتەرگە جول اشاتىنىن ايتتى.
– قىتايمەن, رەسەيمەن جەنە ورتالىق ازييا ەلدەرٸمەن قارىم-قاتىناسىمىز ٶتە جاقسى. بٸز شىعىس پەن باتىس اراسىنداعى ماڭىزدى كٶلٸك حابى بولىپ تابىلامىز. بارلىق ترانسقۇرلىقتىق باعىتتاعى جولداردىڭ 70 پايىزى قازاقستان ارقىلى ٶتەدٸ. حالىقارالىق «باتىس ەۋروپا – باتىس قىتاي» دەلٸزٸ جٷك تاسىمالىنا كەتەتٸن ۋاقىتتى قىسقارتۋعا مٷمكٸندٸك بەرەدٸ. بيىل قىتايدىڭ سيان قالاسىنان گەرمانيياعا تاسىمالداناتىن جٷك نەبەرٸ ون كٷندە جەتكٸزٸلٸپ, رەكتوردتىق كٶرسەتكٸشكە جەتتٸ, – دەدٸ پرەزيدەنت.
ونىڭ ايتۋىنشا, «Volkswagen», «Mann», «Siemens», «Knauf», «Bayer», «METRO» سەكٸلدٸ جەتەكشٸ نەمٸس كونتسەرندەرٸ قازاقستاندا بەلسەندٸ جۇمىس ٸستەپ جاتىر. «Heidelberg Cement» جەنە «Linde Group» كورپوراتسييالارى ەل ەكونوميكاسىنا ٸرٸ كٶلەمدە قارجى قۇيىپ, تابىستى ەكونوميكالىق ىنتىماقتاستىقتىڭ جارقىن مىسالى بولىپ وتىر.
قاسىم-جومارت توقاەۆ نەمٸس كەسٸپكەرلەرٸن اگروٶنەركەسٸپ كەشەنٸ, جوعارى تەحنولوگييالار مەن تسيفرلاندىرۋ سالالارىنداعى جوبالاردى جٷزەگە اسىرۋعا, سونداي-اق, «استانا» حالىقارالىق قارجى ورتالىعىنىڭ جۇمىسىنا اتسالىسۋعا شاقىردى.
ٸس-شاراعا 20-دان استام نەمٸس كومپانيياسىنىڭ جەتەكشٸلەرٸ قاتىستى. اتاپ ايتقاندا, «WILO», «CLAAS Group», «SMS Holding GmbH», «Schaeffler AG», «Airbus Defence and Space», «Linde AG», «Mangold Consulting GmbH», «Herrenknecht AG», «Knorr-Bremse AG», «Euler Hermes», «Siemens Healthineers», «John Deere», «Deutsche Bank AG», «Tönnies Holding», «BAUER COMP Holding» جەنە ت.ب.
نەمٸس ٸسكەر توپتارىنىڭ ٶكٸلدەرٸ قازاقستان نارىعىندا جۇمىس ٸستەۋ تەجٸريبەلەرٸمەن بٶلٸسٸپ, الداعى جوسپارلارى مەن ۇسىنىس-تٸلەكتەرٸن ايتتى.
– بٸز ٷشٸن سٸزبەن ەڭگٸمەلەسۋ زور عانيبەت. سٸزدٸڭ بٷگٸنگٸ ساپارىڭىز ساياسي قاتىناستارىمىزعا عانا ەمەس, ەكونوميكالىق بايلانىستارىمىزعا دا وڭ ىقپال ەتەتٸنٸنە سەنٸمدٸمٸز. قازاقستان ٷشٸن گەرمانييا بيزنەسٸ سەنٸمدٸ سەرٸكتەس ەكەنٸنە سەندٸرەمٸن. بولاشاق ىنتىماقتاستىعىمىز بەن قازاقستان ەكونوميكاسىنداعى نەمٸس ينۆەستيتسيياسىن ارتتىرۋ ٷشٸن بٸزگە زور مٷمكٸندٸكتەر اشىلادى دەپ ەسەپتەيمٸن, – دەدٸ «WILO» كومپانيياسىنىڭ باسشىسى وليۆەر گەرمەس.
كەزدەسۋ سوڭىندا قاسىم-جومارت توقاەۆ ينۆەستيتسييالىق جوبالاردى نەمٸس بيزنەسٸنٸڭ قاتىسۋىمەن جٷزەگە اسىرۋدا ىنتىماقتاستىق ورناتۋعا قازاقستاننىڭ دايىن ەكەنٸن مەلٸمدەدٸ.
– بٸز بارلىق مەسەلەنٸڭ وڭ شەشٸلۋٸنە كٶمەكتەسۋگە مٷددەلٸمٸز. بٷگٸنگٸ سٸزدەردٸڭ باياندامالارىڭىزدا ايتىلعان جوبالار ٷكٸمەتٸمٸزدٸڭ ەرەكشە نازارىندا بولادى. قازاقستاندا سٸزدەردٸڭ بيزنەستەرٸڭٸز جٷزەگە اسىرىپ جاتقان بٸرلەسكەن جوبالارعا قولداۋ كٶرسەتۋگە باسا مەن بەرەمٸز, – دەدٸ مەملەكەت باسشىسى.
