بٸز كٶپتەگەن جىلدار بويى قولدانىلىپ كەلە جاتقان دەرٸلەردٸڭ كەيبٸرەۋٸ دەنساۋلىعىمىزعا ايتارلىقتاي زييان كەلتٸرۋٸ مٷمكٸن. مىسالى, انالگين – دەرٸگەردٸڭ رۇقساتىنسىز دەرٸحانادان ساتىپ الۋعا بولاتىن ەڭ قولجەتٸمدٸ جەنە ەڭ تانىمال دەرٸ. الايدا, ەۋروپا دەرٸگەرلەرٸ انالگيننٸڭ ادام دەنساۋلىعىنا قاۋٸپتٸ ەكەندٸگٸن ايتادى. بۇنىڭ باستى سەبەبٸن ادام اعزاسىنىڭ انالگينگە تەز تەۋەلدٸ بولاتىندىعىمەن تٷسٸندٸرەدٸ, دەپ جازادى Baq.kz تٸلشٸسٸ.
بٷكٸلەلٸمدٸك دەنساۋلىق ساقتاۋ ۇيىمىنىڭ دەرەگٸ بويىنشا, قازٸرگٸ ۋاقىتتا ەلەمدە 39 ەل بۇل دەرٸنٸ قولدانۋدان باس تارتقان. كەيبٸر ەلدەردە, مىسالى, گەرمانييادا انالگين قولدانىستا بولعانىمەن, دەرٸگەردٸڭ قاتاڭ رۇقساتىمەن تاعايىندالادى. ال, تمد ەلدەرٸندە اتالعان دەرٸ دەرٸحانالاردان دەرٸگەردٸڭ رەتسەپٸنسٸز بوساتىلىپ, ەشقانداي شەكتەۋسٸز قولدانىلادى. وسى جەنە جالپى حالىقتىڭ دەرٸلٸك ساۋاتتىلىعى قانداي, دەرٸ-دەرمەكتٸ ساۋاتتى قولدانۋدىڭ حالىق دەنساۋلىعىنا جەنە قوعامعا ەسەرٸ قانداي, تۇرعىنداردىڭ دەرٸلٸك ساۋاتتىلىعىن ارتتىرۋ ٷشٸن نە ٸستەۋ كەرەك دەگەن سۇراقتار قر دەنساۋلىق ساقتاۋ جەنە ەلەۋمەتتٸك دامۋ مينيسترلٸگٸ «دەنساۋلىق ساقتاۋدى دامىتۋ رەسپۋبليكالىق ورتالىعىنىڭ» ۇيىمداستىرۋىمەن ٶتكەن «قازاقستانداعى دەرٸلٸك ساۋاتتىلىق» اتتى سەميناردا تالقىلاندى.
«جاسىرعاننىڭ جاراسى اسقىنادى» دەمەكشٸ اۋىرا قالساق دەرٸگەردٸڭ الدىنا بارعاننان گٶرٸ تانىستارىمىزدىڭ نەمەسە عالامتوردىڭ كەڭەسٸنە سٷيەنٸپ, ٶز بەتٸمٸزشە دەرٸ قابىلدايتىنىمىز جاسىرىن ەمەس. وسىلايشا دەرٸلٸك زاتتاردى ٶز بەتٸمەن قابىلداۋ كٶپ جاعدايدا اۋرۋدىڭ اسقىنۋىنا ەكەلٸپ سوعادى.
«دەرٸ-دەرمەكتٸ ٶزٸندٸك قابىلداۋدان كەيٸن بولاتىن قايعىلى جاعداي 300 ادامعا شاققاندا بٸرەۋ بولسا, بۇل كٶرسەتكٸش ەۋە اپاتىندا 3 ملن-عا بٸر ادامنان كەلەدٸ", - دەيدٸ سەميناردا سٶز العان دەنساۋلىق ساقتاۋدى دامىتۋ رەسپۋبليكالىق ورتالىعىنىڭ تٶراعاسى ل.گ.ماكالكين.
دەرٸلٸك زاتتاردى قابىلداۋ الدىندا مٸندەتتٸ تٷردە دەرٸگەرمەن كەڭەسكەن جٶن دەيدٸ ماماندار. كٶپتەگەن ادامدار, اۋرۋدىڭ باستاپقى بەلگٸلەرٸ پايدا بولىسىمەن اعزاعا كەرٸ ەسەرٸن تيگٸزەتٸن دەرٸلەردٸ, سونىڭ ٸشٸندە انتيبيوتيكتەردٸ ٶز بەتٸمەن قابىلداي باستايدى.
ەستەرٸڭٸزگە سالا كەتەيٸك, دەرٸنٸڭ اتاۋىن, قاجەتتٸ دوزاسىن جەنە ەمدەۋ ۇزاقتىعىن دەرٸگەر عانا بەلگٸلەيدٸ. انتيبيوتيكتەردٸ تەك دەرٸگەردٸڭ تاعايىنداۋىمەن قابىلداۋ قاجەت. ولاردى قاجەتٸنسٸز, شامادان تىس نەمەسە دۇرىس ەمەس قابىلداۋ انتيبيوتيككە تەۋەلدٸلٸككە ۇرىندىرادى.
انتيبيوتيكتەردٸ قازٸرگٸ كەزدە كٶپ ادامدار جەڭٸل سۋىق تييۋ كەزٸندە دە قابىلدايدى. بالالاردى دا انتيبيوتيكتەرمەن ٶزدٸگٸنشە ەمدەۋگە ەرەكەتتەنەتٸن اتا-انالاردىڭ پوزيتسيياسى دا دەرٸگەرلەردٸڭ الاڭداۋشىلىعىن تۋعىزادى. ماماندار تۇجىرىمداعانداي, ەمدەۋ مەدەنيەتٸن, دەرٸلٸك ساۋاتتىلىقتى بالا كەزدەن باستاپ دامىتۋ قاجەت.
جٸبەك مۇقاشەۆا
