ديپلوماتييا نەتيجە بەرۋ ٷشٸن بٸز بٸر-بٸرٸمٸزبەن ديالوگ قۇرۋىمىز كەرەك. بۇل تۋرالى ميۋنحەن قاۋٸپسٸزدٸك كونفەرەنتسيياسىنىڭ تٶراعاسى ۆولفگانگ يشينگەر مەلٸم ەتتٸ, دەپ حابارلايدى قازاقپارات.
«بٸز مۇندا ترامپ ەكٸمشٸلٸگٸ ٶكٸلٸنٸڭ كەلگەنٸن ريزاشىلىقپەن اتاپ ٶتكٸم كەلەدٸ. سونىمەن قاتار, بٸز وسى كونفەرەنتسيياعا يراننىڭ دا ٶكٸلدەرٸن شاقىرامىز. ەگەر دە ديپلوماتييا نەتيجە بەرگەنٸن كٶرگٸمٸز كەلسە, بٸز بٸر-بٸرٸمٸزبەن ديالوگ قۇرۋىمىز كەرەك. ياعني بۇل تۇرعىدا بٸر-بٸرٸمٸز جايىندا سىرتتاي تالقىلاعاننىڭ قاجەتٸ جوق دەپ ويلايمىن. اتاپ ايتقاندا, سولتٷستٸك كورەيا ٶكٸلدەرٸ بٸزدٸڭ كونفەرەنتسيياعا قاتىسۋعا شەشٸم قابىلداسا, وندا وسى ەلدٸڭ ۇستانىمىن تىڭداۋ ٷشٸن ولاردى دا تىڭداۋعا دايىنبىز. سوندىقتان بۇل ۇستانىم بٸزدٸڭ ماقساتتار مەن مٸندەتتەردٸڭ ماڭىزدى بٶلٸگٸ بولۋى تيٸس دەپ سانايمىن», - دەدٸ ۆ. يشينگەر ميۋنحەن قاۋٸپسٸزدٸك كونفەرەنتسيياسىنىڭ 56-شى وتىرىسىندا.
ەسكە سالا كەتەيٸك, كونفەرەنتسييا بارىسىندا ۆولفگانگ يشينگەر ەلەمدٸك كٶشباسشىلاردى بۇۇ-نىڭ بەدەلٸن نىعايتۋعا بەلسەندٸ اتسالىسۋعا شاقىردى.
بۇدان بۇرىن حابارلانعانداي, مەملەكەت باسشىسى قاسىم-جومارت توقاەۆ گەرمانيياداعى ميۋنحەن قاۋٸپسٸزدٸك كونفەرەنتسيياسىنا قاتىسۋدا.
ميۋنحەن قاۋٸپسٸزدٸك كونفەرەنتسيياسىنىڭ 56-شى وتىرىسى 2020 جىلدىڭ 14-16 اقپانى ارالىعىندا ٶتەدٸ. اتالعان ٸس-شاراعا 40-قا جۋىق مەملەكەتتٸڭ باسشىلارى, 100-دەن استام سىرتقى ٸستەر جەنە قورعانىس مينيسترلەرٸ, حالىقارالىق قاتىناستار سالاسىنداعى بەدەلدٸ ساراپشىلار, ەۋروكوميسسييا ٶكٸلدەرٸ, سونداي-اق ەۋروپالىق پارلامەنت دەپۋتاتتارى قاتىسۋدا. ايتا كەتەيٸك, جىل سايىن فورۋمعا ەلەمنٸڭ 70 ەلٸنەن 400-600 ادام قاتىسىپ كەلدٸ. ولاردىڭ اراسىندا مەملەكەت جەنە ٷكٸمەت باسشىلارى, ەسكەري ەرٸ ساياسي كٶشباسشىلار, مينيسترلەر كابينەتٸنٸڭ مٷشەلەرٸ, پارلامەنت دەپۋتاتتارى, عالىمدار, ساياساتتانۋشىلار, ازاماتتىق قوعام ٶكٸلدەرٸ قامتىلدى.
