فوتو: qaj.kz
ۇلىتاۋ وبلىسىنىڭ ەكٸمٸ بەرٸك ەبدٸعاليۇلى بيىل قىزىلوردا-جەزقازعان جولىن جٶندەۋگە بٶلٸنگەن 90 ميلليارد تەڭگە جوبانى تولىق اياقتاۋعا جەتپەي قالعانىن ايتتى, - دەپ حابارلايدى Massaget.kz پورتالى.
"تاعى بٸر ٷلكەن پروبلەمانىڭ بٸرٸ - جولدار. ەسٸرەسە, قىزىلوردا مەن جەزقازعان اراسىنداعى جول. قىزىلوردا جاعى جولدى اياقتاپ جاتىر. بٸراق بيىل جەزقازعان بٶلٸگٸندە باعا كٶتەرٸلۋٸنە بايلانىستى جۇمىس توقتاتىلدى. سەبەبٸ 90 ميلليارد تەڭگە جەتپەي قالدى. قازٸر ٷكٸمەت ازييا دامۋ بانكٸمەن بٸرٸگٸپ, جوبانى 145 ميلليارد تەڭگەگە كٶبەيتتٸ. ەندٸگٸ جىلعا سونىڭ 50 ميلليراد تەڭگەسٸ بٶلٸنٸپ, كونكۋرس ٶتٸپ جاتىر", - دەدٸ بەرٸك ەبدٸعاليۇلى ورتالىق كوممۋنيكاتسييا قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, ازييا دامۋ بانكٸ كونكۋرستى جەلتوقساندا اياقتاۋى كەرەك.
"2024 جىلى 8 ۋچاسكەدە جول جٶندەۋ جۇمىستارى باستالادى", - دەدٸ وبلىس ەكٸمٸ.
سونداي-اق, بيىل قاراعاندى-جەزقازعان جولىن جٶندەۋ بويىنشا كونكۋرس ۇيىمداستىرىلىپتى. وعان 2024 جىلعا 20 ميلليارد تەڭگە بٶلٸنەدٸ ەكەن.
"ارقالىق پەن ۇلىتاۋدىڭ اراسى - 200 شاقىرىم جول جوق. بيىل سونىڭ 13 شاقىرىمى "قازاۆتوجول" كومپانيياسىنىڭ قولداۋىمەن جٶندەلدٸ. 2024 جىلى تاعى 37 شاقىرىم جولعا, جالپى 40 شاقىرىم جولعا اسفالت تٶسەيمٸز. وندا مٷلدەم اسفالت جوق. بۇل ەرتەڭ ارقالىق پەن جەزقازعان قالالارىنىڭ دامۋىنا سەپتٸگٸن تيگٸزەدٸ", - دەدٸ بەرٸك ەبدٸعاليۇلى.
