بيىل قاڭتار-قىركٷيەك ارالىعىندا ەلٸمٸز بويىنشا ۆاگون مەن لوكوموتيۆ ٶندٸرٸسٸ 50,5% ٶسكەن, دەپ حابارلايدى قازاقپارات.
ٷكٸمەت وتىرىسىندا توعىز ايداعى ەكونوميكانىڭ ٶسٸمٸ تۋرالى بايانداما جاساعان قر ۇلتتىق ەكونوميكا مينيسترٸ ەسەت ەرعاليەۆ وسىنداي دەرەكتەر كەلتٸردٸ.
«تاۋارلار يمپورتى 25,4 ملرد اقش دوللارىن قۇرادى. جالپى, وڭ ساۋدا بالانسى ٶتكەن ايعا قاراعاندا 1,7 ملرد اقش دوللارىنا ٶسٸپ, 12,1 ملرد اقش دوللارىن قۇرادى.
ٶڭدەۋ ٶنەركەسٸبٸ تۇراقتى ٶسۋ ٷردٸسٸن ساقتاپ وتىر. قاڭتار-قىركٷيەكتە سالا بويىنشا ٶندٸرٸس كٶلەمٸ 5,7% ٶستٸ», - دەدٸ ۆەدومستۆو باسشىسى.
ونىڭ سٶزٸنە قاراعاندا, جىل باسىنان بەرگٸ توعىز ايدا 14 ٶڭٸر بويىنشا ٶڭدەۋ ٶنەركەسٸبٸ وڭ كٶرسەتكٸش بايقاتقان. ەڭ جوعارعى ٶسۋ الماتى قالاسى مەن قوستاناي, الماتى وبلىستارىندا بايقالىپ وتىر.
«ٶڭدەۋ ٶنەركەسٸبٸ سالالارى بويىنشا فارماتسەۆتيكالىق ٶنٸم ٶندٸرۋ 38,1%, ماشينا جاساۋ – 22,8%, ونىڭ ٸشٸندە اۆتوموبيل جاساۋ – 31,6%, ۆاگوندار مەن لوكوموتيۆتەر ٶندٸرٸسٸ – 50,5%, سونداي-اق قۇرىلىس ماتەريالدارى – 10,1%, پلاستماسسا بۇيىمدارى – 31,4%, دايىن مەتالل بۇيىمدارى – 17,2%, كيٸم – 14% جەنە جيھاز – 14,9% دەڭگەيٸندە سەرپٸندٸ ٶسۋدٸ كٶرسەتٸپ وتىر», - دەدٸ ەسەت ەرعاليەۆ.
سونداي-اق, ول ٶتكەن 9 اي بويىنشا ورىندالعان قۇرىلىس جۇمىستارىنىڭ كٶلەمٸ 9,7% ٶسٸپ, جوعارى قارقىن كٶرسەتكەنٸن اتادى.
«كٶرسەتكٸشتٸڭ وڭ ٶسٸمٸ بارلىق ٶڭٸرلەر بويىنشا تٸركەلدٸ. قۇرىلىس-مونتاجداۋ جۇمىستارىنىڭ ەڭ جوعارى ٶسۋٸ الماتى قالاسىندا, سونداي-اق ماڭعىستاۋ جەنە اقمولا وبلىستارىندا بايقالۋدا», - دەدٸ مينيستر.
