قر پارلامەنتٸ مەجٸلٸسٸنٸڭ دەپۋتاتى ايبەك پاياەۆ تاۋ-كەن سالاسىن ەكٸمشٸلەندٸرۋ شارالارىن قايتا قاراۋدى ۇسىندى, دەپ حابارلايدى قازاقپارات.
مەجٸلٸستە «قر ۇلتتىق قورىنان 2022-2024 جىلدارعا كەپٸلدەندٸرٸلگەن ترانسفەرت تۋرالى» قر زاڭىنا ٶزگەرٸس ەنگٸزۋ تۋرالى» زاڭ جوباسى قارالىپ جاتىر.
جيىن بارىسىندا باق ٶكٸلدەرٸنە سۇحبات بەرگەن مەجٸلٸس دەپۋتاتى ايبەك پاياەۆ ناقتىلانعان بيۋدجەتتٸڭ شىعىس بٶلٸگٸ, جالپى العاندا, ورىندى دەگەپ پٸكٸر ايتتى.
«بيۋدجەتتٸڭ شىعىس جاعى ۇلعايىپ جاتقانىن بٸلەسٸزدەر. ونىڭ ناقتى سەبەپتەرٸ بار. قاڭتاردىڭ باسىندا پرەزيدەنت بٸرنەشە تاپسىرما بەردٸ. جولداۋىندا دا ايتىپ كەتتٸ. وسى تاپسىرمانىڭ بەرٸن جٷزەگە اسىرۋ ٷشٸن قوماقتى قاراجات بٶلٸنٸپ وتىر. بيۋدجەتتٸڭ شىعىس بٶلٸگٸ 2,7 ترلن تەڭگەگە ۇلعايدى دەسەك, ونىڭ ٸشٸندە ۇلتتىق قوردان قوسىمشا 1 ترلن 636 ملرد تەڭگە بٶلٸنٸپ جاتىر. ەرينە, ٷلكەن اقشا. ونىڭ بەرٸ ەلدەگٸ تۇراقتىلىقتى ساقتاپ, مەملەكەت ەكونوميكاسىنىڭ ەرٸ قاراي دامۋىنا ٷلەس قوسۋعا, ٶڭٸرلەردٸ دامىتىپ, ەڭ باستى مەسەلە, بۇل قاراجاتتىڭ بەرٸ حالىققا تولىعىمەن جەتۋٸ كەرەك. سونداي-اق, كەلەشەكتە سالىق بازاسىن كەڭەيتۋ ارقىلى ۇلتتىق قورعا قايتىپ تٷسۋٸ كەرەك», - دەدٸ ول.
دەپۋتات كەلەشەكتە ۇلتتىق قورعا قول جايا بەرمەس ٷشٸن فيسكالدىق ساياساتتى قايتا قاراۋ كەرەك دەگەن پايىم ايتتى.
«مەن ۇلتتىق ەكونوميكا مينيسترلٸگٸنە سۇراق قويىپ وتىرمىن. كەلەشەكتە سالىق بازاسىن ۇلعايتۋ ارقىلى, جالپى تاۋ-كەن سالاسىنداعى ەكٸمشٸلەندٸرۋدٸ ساپالى جٷزەگە اسىرۋ ارقىلى, سول جەردەگٸ سالىقتىق جٷكتەمەنٸ قايتا قاراۋ ارقىلى بيۋدجەتكە قوماقتى قاراجات تٷسٸرۋگە بولادى. بٸز ونى مٸندەتتٸ تٷردە ٸستەۋٸمٸز كەرەك. ٶيتكەنٸ بيىل فيسكالدىق ورگاندار رەسپۋبليكالىق بيۋدجەتتٸڭ كٸرٸس بٶلٸگٸن 955 ملرد تەڭگە ارتىعىمەن ورىنداۋى كەرەك», - دەدٸ ايبەك پاياەۆ.
