2021 جىلى تاماق ٶنەركەسٸبٸندە 49 كەسٸپورىن ٸسكە قوسىلادى. بۇل تۋرالى ٷكٸمەتتٸڭ كەڭەيتٸلگەن وتىرىسىندا پرەمەر-مينيستر اسقار مامين ايتتى, دەپ حابارلايدى "ۇلت اقپارات".
«ٸشكٸ نارىقتى وتاندىق ازىق-تٷلٸك تاۋارلارىمەن مولىقتىرۋ مٸندەتتەرٸن شەشۋ اياسىندا 2023 جىلدىڭ سوڭىنا دەيٸن بارلىق نەگٸزگٸ 29 ازىق-تٷلٸك پوزيتسيياسى بويىنشا ٶزٸن-ٶزٸ قامتاماسىز ەتۋ دەڭگەيٸنە قول جەتكٸزٸلەدٸ. 2021 جىلى تاماق ٶنەركەسٸبٸندە 49 كەسٸپورىندى ٸسكە قوسۋ, سونىمەن قاتار 2 مىڭ گەكتاردان استام باق ەگٸۋ جوسپارلانىپ وتىر», - دەدٸ اسقار مامين.
ٷكٸمەت باسشىسىنىڭ ايتۋىنشا, بالىق سالاسىنىڭ ەلەۋەتٸن جەدەل جٷزەگە اسىرۋ جۇمىسى جالعاسادى.
نەتيجەسٸندە 2021 جىلى ٶندٸرٸس كٶلەمٸ 61 مىڭ تونناعا ارتىپ, سالاعا سالىنعان ينۆەستيتسييا كٶلەمٸ 3 ەسە ۇلعايادى.
«اتالعان ديناميكا ەسەبٸنەن ەكسپورت كٶرسەتكٸشٸ ايتارلىقتايجاقسارىپ, يمپورتقا تەۋەلدٸلٸك تٶمەندەيدٸ. كەشەندٸ ەكوجٷيە قالىپتاستىرۋ نەگٸزٸندەگٸ اگروٶنەركەسٸپ كەشەنٸن دامىتۋدىڭ جاڭا ەدٸستەرٸ اٶك ٶنٸمدەرٸ ەكسپورتىنىڭ كٶلەمٸن 2021 جىلى 15 پايىزعا ارتتىرۋعا مٷمكٸندٸك بەرەدٸ. بۇل رەتتە قايتا ٶڭدەلگەن ٶنٸم ٷلەسٸ 35 پايىزدى قۇرايدى. اتالعان جۇمىستار اياسىندا2021 جىلى-اق 67 مىڭ جاڭا جۇمىس ورنى قۇرىلادى», - دەدٸ پرەمەر-مينيستر.
