اۋىل شارۋاشىلىعى ۆيتسە-مينيسترٸ رٷستەم قۇرمانوۆ سولتٷستٸك قازاقستان مەن اقمولا وبلىستارىنداعى پايدالانىلماي جاتقان جەرگە عارىش ارقىلى جٷرگٸزٸلگەن اۋديتتٸڭ قورىتىندىسىن جارييالادى, دەپ حابارلايدى قازاقپارات.
«مەملەكەت باسشىسىنىڭ تاپسىرماسىنا سەيكەس اۋىل شارۋاشىلىعى جەرلەرٸنە اۋديت جٷرگٸزٸلٸپ, جەر كاداسترىن تسيفرلاندىرۋ جۇمىسى قولعا الىندى. 2019 جىلدىڭ ەكٸنشٸ جارتىسىندا «قازعارىشساپارى» اق-پەن بٸرگە پيلوتتىق رەجٸمدە گەوپورتال قۇرىلدى. ونىڭ كٶمەگٸمەن عارىشتان تٷسٸرٸلگەن سۋرەتتەر ارقىلى اقمولا جەنە سولتٷستٸك قازاقستان وبلىستارىنداعى اۋىل شارۋاشىلىعى جەرلەرٸنە ونلاين تٷردە مونيتورينگ جاسالىپ, قايتادان ساناق جۇمىستارى باستالعان ەدٸ», - دەدٸ رٷستەم قۇرمانوۆ اۋىل شارۋاشىلىعى مينيسترلٸگٸنٸڭ القا مەجٸلٸسٸندە.
وسى جۇمىستاردىڭ ارقاسىندا 2019 جىلى اقمولا وبلىسىندا پايدالانىلماي جاتقان 289,2 مىڭ گا, ەسەپكە تٸركەلمەگەن جەنە ٶزدٸگٸنەن الىپ العان 133,6 مىڭ گا جەردٸڭ بارى انىقتالعان. ال سولتٷستٸك قازاقستاندا دەل وسىنداي پايدالانىلماي جاتقان 284,3 مىڭ گا جەنە ەسەپكە تٸركەلمەگەن نەمەسە ٶزدٸگٸنەن الىپ العان 88,7 مىڭ گا جەردٸڭ بارى بەلگٸلٸ بولعان.
«ەسەپكە الىنباعان ۋچاسكەلەر بويىنشا ەكٸمدٸكتەر حابارلاندىرۋ جٸبەرە وتىرىپ, رەسٸمدەۋ جۇمىستارىن جٷرگٸزٸپ جاتىر. ال ٶزدٸگٸنەن الىپ العان جەنە پايدالانىلماي جاتقان جەر اۋماقتارى بويىنشا ماتەريالدار سوتقا جولدانادى. بيىل وسى اۋديت باسقا ٶڭٸرلەر بويىنشا جالعاسادى», - دەدٸ ول.
