بيىل ەلوردادا 40 مىڭ بالا بٸلٸم الاتىن 15 مەكتەپ سالىنادى. بۇل تۋرالى قالا تۇرعىندارىمەن ەسەپ بەرۋ كەزدەسۋٸندە ەلوردا ەكٸمٸ التاي كٶلگٸنوۆ ايتتى, دەپ حابارلايدى قازاقپارات.
ونىڭ اتاپ ٶتۋٸنشە, نۇر-سۇلتان ەكٸمدٸگٸ مەكتەپ قۇرىلىسى بويىنشا جۇمىستاردى جٷيەلٸ جٷرگٸزۋدە. 2021 جىلى 2020 جىلعا قاراعاندا ەكٸ ەسە, 2019 جىلمەن سالىستىرعاندا تٶرت ەسە كٶپ ورىن اشىلادى.
«بٸلٸم ساپاسى مەن وعان جاعداي جاساۋعا مەن بەرۋ ٶتە ماڭىزدى. تۇرعىندار سانىنىڭ ارتۋىنا بايلانىستى مەكتەپتەردەگٸ وقۋشىلارعا ورىن جەتٸسپەۋشٸلٸگٸن قىسقارتۋ ٷشٸن جىل سايىن كەمٸندە 10 مەكتەپ سالۋ كەرەك. 2020 جىلى 2019 جىلعا قاراعاندا پايدالانۋعا بەرٸلگەن مەكتەپەر سانى ەكٸ ەسەگە كٶپ. بۇل 11 بٸلٸم مەكەمەسٸ بۇرىن مەكتەپ بولماعان تۇرعىن الاپتاردا سالىندى. ول جەرلەردە بۇرىن بالالار بەيٸمدەلگەن عيماراتتاردا وقىعان. جاڭا مەكتەپتەر ٷش اۋىسىمدى مەكتەپتەر سانىن 8-دەن 4-كە قىسقارتۋعا مٷمكٸندٸك بەردٸ. بۇدان بٶلەك, بٸرقاتار مەكتەپ قازاندىق جىلىتۋدان ورتالىقتاندىرىلعان جىلىتۋعا كٶشٸرٸلدٸ. بۇل - مەكتەپتەرگە تەك جىلىتۋ بويىنشا جىل سايىن 100 ملن تەڭگە ٷنەمدەۋگە مٷمكٸندٸك بەرەدٸ. 2021 جىلى 15 مەكتەپ سالاتىن بولامىز. بۇل 40 مىڭ ورىن اشۋعا مٷمكٸندٸك بەرەدٸ», - دەدٸ التاي كٶلگٸنوۆ.
ەلوردا ەكٸمدٸگٸنٸڭ مەلٸمەتٸنشە, 5 جىلدىق كەشەندٸ جوسپار اياسىندا 50 مەكتەپتٸڭ قۇرىلىسىن جٷرگٸزۋگە جوسپارلانىپ وتىر. مەكتەپ قۇرىلىسىنا جەكە ينۆەستورلار دا تارتىلاتىن بولادى.
