بٷگٸن قر پرەمەر-مينيسترٸ باقىتجان ساعىنتاەۆتىڭ تٶراعالىعىمەن ٶتكەن ٷكٸمەت وتىرىسىندا پرەزيدەنتتٸڭ بەس ەلەۋمەتتٸك باستاماسىن ٸسكە اسىرۋ بارىسىن قاراۋ اياسىندا جوعارى بٸلٸم بەرۋدٸڭ قولجەتٸمدٸلٸگٸ مەن ساپاسىن ارتتىرۋ, سونداي-اق ستۋدەنت جاستاردىڭ ٶمٸر سٷرۋ جاعدايلارىن جاقسارتۋ بويىنشا اتقارىلىپ جاتقان جۇمىستار تۋرالى بٸلٸم جەنە عىلىم مينيسترٸ ەرلان ساعاديەۆ باياندادى, دەپ حابارلايدى "ۇلت اقپارات".
مينيستردٸڭ ايتۋىنشا, 2018 جىلى گرانتتار سانى 20 مىڭعا كٶبەيتٸلدٸ. ەلٸمٸزدەگٸ گرانتتاردىڭ جالپى جىل سايىن بٶلٸنەتٸن سانى 69 مىڭعا جەتتٸ: 53 مىڭ ستۋدەنت – باكالاۆرياتتا, 13 مىڭى – ماگيستراتۋرادا, 2 مىڭنان استام ادام PhD باعدارلامالارى بويىنشا بٸلٸم الىپ جاتىر.
ە. ساعاديەۆ بارلىق گرانت الۋشىلاردىڭ 50%-ى تەحنيكالىق ماماندىقتار بويىنشا (34 مىڭ) بٸلٸم الىپ جاتقانىن اتاپ ٶتتٸ. ولاردىڭ ٸشٸندە اقپاراتتىق-كوممۋنيكاتسييالىق تەحنولوگييالار, كيبەرقاۋٸپسٸزدٸك, راديوتەحنيكا جەنە ەلەكترونيكا سەكٸلدٸ ەڭبەك نارىعى ٷشٸن ماڭىزدى باعىتتار بار. «سەرپٸن» باعدارلاماسى بويىنشا اۋىل جاستارىنا 5 مىڭ گرانت قاراستىرىلعان. گرانتتاردىڭ شامامەن 20%-ى مۇعالٸمدەردٸ دايارلاۋعا, ونىڭ ٸشٸندە تٸلدٸك بٸلٸكتٸلٸكتٸ كٷشەيتۋگە باعىتتالعان.
بارلىق جوعارعى وقۋ ورىندارىندا تەحنيكالىق جەنە اۋىل شارۋاشىلىعى ماماندىقتارى بويىنشا گرانتتار قۇنى ۇلتتىق جوو-لارداعى گرانتتارمەن بٸردەي بولىپ, 635 مىڭ تەڭگەنٸ قۇرادى. وسىلايشا, بٸلٸم جەنە عىلىم مينيسترٸنٸڭ ايتۋىنشا, مەملەكەت باسشىسىنىڭ گرانتتاردى بٶلۋ جەنە قۇنىن ارتتىرۋ تۋرالى تاپسىرماسى تولىعىمەن ورىندالدى.
جوعارى بٸلٸمنٸڭ قولجەتٸمدٸلٸگٸن قامتاماسىز ەتۋ ٷشٸن قوسىمشا شارالار قابىلدانىپ جاتىر.
بٸرٸنشٸدەن, ۇبت جىلىنا 4 رەت ٶتكٸزٸلەدٸ. 2019 جىلعى قاڭتار ايىندا بٸرٸنشٸ رەت تەستٸلەۋ ٶتكٸزٸلدٸ. وعان 35 مىڭنان اسا مەكتەپ تٷلەگٸ قاتىستى. ولارعا اقپان ايىنان باستاپ اقىلى وقۋ ٷشٸن جوعارعى وقۋ ورىندارىنا تٷسۋگە مٷمكٸندٸك بەرٸلدٸ.
ەكٸنشٸدەن, «بٸلٸم تۋرالى» زاڭعا ەنگٸزٸلگەن ٶزگەرٸستەرگە سەيكەس باكالاۆرياتقا ۇقساس ماگيستراتۋراعا قابىلداۋدىڭ جاڭا مودەلٸ ەنگٸزٸلۋدە. بٸلٸم بەرۋ گرانتىن تاعايىنداۋ ٷمٸتكەرلەرگە جوو تاڭداۋ مٷمكٸندٸگٸن بەرە وتىرىپ, كەشەندٸ تەستٸلەۋ نەتيجەلەرٸنٸڭ نەگٸزٸندە ٸسكە اسىرىلادى.
بۇعان قوسا, ە. ساعاديەۆ مينيسترلٸك جاتاقحانالاردا جاڭا ورىنداردى بەرۋ جۇمىستارىن جالعاستىرىپ جاتقانىن ايتتى. 2019 جىلى 5000 ورىن بەرۋ كٶزدەلگەن.
«بٷگٸندە ٷش جارىم اي ٸشٸندە بٸزگە 11 144 ورىنعا 20 ٶتٸنٸش كەلٸپ تٷستٸ, 6556 ورىنعا 12 كەلٸسٸمشارت جاسالدى. ولاردىڭ كٶبٸسٸ سالىنا باستادى. سونىمەن قاتار, وسى ايدىڭ سوڭىنا دەيٸن 4588 ورىنعا تاعى 8 كەلٸسٸمشارت جاساسۋدى جوسپارلاپ وتىرمىز. بۇل – كەلەسٸ جىلى بەرٸلەتٸن جوبالار», — دەدٸ ە. ساعاديەۆ.
قر بٸلٸم جەنە عىلىم مينيسترٸ وسى جوبا ٸسكە اسىرىلا باستاعاننان بەرٸ بٸلٸم بەرۋ ۇيىمدارى ٶز قاراجاتتارى ەسەبٸنەن, وسى مەملەكەتتٸك تاپسىرىس تەتٸگٸن قولدانباي 2780 ورىنعا اررنالعان 10 نىساندى ەنگٸزگەنٸن اتاپ ٶتتٸ.
جالپى, 2022 جىلدىڭ سوڭىنا دەيٸن 75 مىڭ جاڭا ورىنداردى پايدالانۋعا بەرۋ ٷشٸن بارلىق جاعداي جاسالعان. 170 جەر تەلٸمٸ انىقتالعان. ولاردىڭ 121-ٸ بٸلٸم بەرۋ ۇيىمدارىنا تيەسٸلٸ, 49-ىن ەكٸمدٸكتەر بٶلگەن. 27 ۇيىم جوبالىق-سمەتالىق قۇجاتتامانى (جسق) ەزٸرلەدٸ, 62-سٸ ەزٸرلەپ جاتىر. ەزٸرلەنگەن جەنە ٷلگٸلٸك جسق بانكٸ قۇرىلدى, ونى جوبانىڭ جاڭا قاتىسۋشىلارى پايدالانا الادى.
107 جوبا بويىنشا قارجىلاندىرۋ كٶزدەرٸ انىقتالدى: 50 جوبا — ٶز قاراجاتتارى ەسەبٸنەن, 57-سٸن — ينۆەستورلاردىڭ قاراجاتى ەسەبٸنەن ٸسكە اسىرۋ جوسپارلانىپ وتىر.
تەتٸككە قاتىسۋعا جەكە سەكتوردى تارتۋ مەسەلەسٸ اسا ٶزەكتٸ ەرٸ ىنتالاندىرۋدىڭ قوسىمشا شارالارىن تالاپ ەتەدٸ. اتاپ ايتقاندا, قر بعم بيزنەستٸڭ جول كارتاسىن 2025 جىلعا دەيٸن ۇزارتۋ اياسىندا قۇرىلىس سالۋشىلاردىڭ نەسيە مٶلشەرلەمەلەرٸن سۋبسيدييالاۋدى ۇسىنادى. سونىمەن قاتار, جەرگٸلٸكتٸ اتقارۋشى ورگاندار تاراپىنان جەر تەلٸمدەرٸن بٶلۋ جۇمىسىن جەدەلدەتۋ قاجەت.
«جالپى العاندا, مەملەكەت باسشىسىنىڭ ٷشٸنشٸ باستاماسى جوسپارلانعان مەرزٸم اياسىندا جٷزەگە اسىرىلىپ جاتىر جەنە ونى تۇراقتى باقىلاۋدا ۇستاپ وتىرمىز», — دەپ تٷيٸندەدٸ ە. ساعاديەۆ.
