قر ەنەرگەتيكا مينيسترٸ بولات اقشولاقوۆ مۇناي-گاز حيميياسى سالاسىنداعى يمپورتتى الماستىرۋ جوبالارىنىڭ جاعدايى تۋرالى مەلٸمەت بەردٸ, دەپ حابارلايدى قازاقپارات.
«اعىمداعى جىلى قۋاتتىلىعى جىلىنا 500 مىڭ توننا بولاتىن پوليپروپيلەن ٶندٸرۋ زاۋىتىن پايدالانۋعا بەرۋ جوسپارلانعان. سونداي-اق, قۋاتى جىلىنا شامامەن 1 ملن توننا تەرەفتال قىشقىلى مەن پوليەتيلەنتەرەفتالات, قۋاتى جىلىنا 1,25 ملن توننا پوليەتيلەن زاۋىتىن جەنە قۋاتى جىلىنا 189 مىڭ توننا بۋتاديەن ٶندٸرۋ جٶنٸندەگٸ جوبالارىن ٸسكە اسىرۋعا نازار اۋدارىلادى», - دەدٸ ول ٷكٸمەت وتىرىسىندا.
ايتۋىنشا, وسى جوبالاردى ٸسكە اسىرۋ قازاقستان ەكونوميكاسىنا شامامەن 10 ملرد دوللار ينۆەستيتسييا تارتۋعا مٷمكٸندٸك بەرەدٸ.
«اعىمداعى جىلى «تەڭٸزشەۆرويل», «قاراشىعاناق پەتروليۋم وپەرەيتينگ» جەنە «نورت كاسپيان وپەرەيتينگ كومپاني» كونسورتسيۋمدارىمەن مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى قۇرىلدى.
وسى 3 كەسٸپورىننىڭ تاۋارلارىن ٶندٸرۋدٸ جەرگٸلٸكتەندٸرۋ ارقىلى جۇمىس ٸستەپ تۇرعان وتاندىق تاۋار ٶندٸرۋشٸلەردٸڭ مٷمكٸندٸكتەرٸن كەڭەيتۋ كٶزدەلگەن. بۇل كەسٸپورىنداردىڭ جىل سايىنعى ساتىپ الۋ كٶلەمٸ شامامەن 5 ترلن تەڭگەنٸ قۇرايدى», -دەدٸ بولات اقشولاقوۆ.
مينيستردٸ جەرگٸلٸكتٸ قامتۋدى دامىتۋدىڭ تٸكەلەي ينۆەستيتسييالار قورى قۇرىلعانىن ەسكە سالدى.
«شەۆرون» كومپانيياسى قازاقستان الدىنداعى قايتا ينۆەستيتسييالاۋ مٸندەتتەمەلەرٸ شەڭبەرٸندە جەرگٸلٸكتٸ قامتۋدى دامىتۋعا 248,5 ملن اقش دوللارىن بٶلۋدە.
ينۆەستيتسييالار نەگٸزٸنەن تەحنولوگييا مەن IT, بازالىق تاۋارلار ٶندٸرٸسٸ جەنە مۇناي-گاز سەكتورىنا ارنالعان جابدىقتاردىڭ جەكەلەگەن تٷرلەرٸن قۇراستىرۋ جەنە قورشاعان ورتانى قورعاۋ سيياقتى ٷش باعىتقا سالىنادى. قور «استانا» حالىقارالىق قارجى ورتالىعىنىڭ الاڭىندا تٸركەلگەن.
وسىنداي باستامالاردىڭ ارقاسىندا بٸز مۇناي-گاز سالاسى ٷشٸن تاۋارلار ٶندٸرۋگە باعىتتالعان ٶز جٷيەمٸزدٸ قالىپتاستىرۋىمىز كەرەك», - دەدٸ ەنەرگەتيكا مينيسترٸ.
