بيىل نۇر-سۇلتان, الماتى, شىمكەنت قالالارىندا جۇمىسشى جاستارعا 3 مىڭعا جۋىق پەتەر بەرٸلەدٸ. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ ورىنباسارى ەرالى توعجانوۆتىڭ جاۋابىندا ايتىلعان, دەپ حابارلايدى قازاقپارات تٸلشٸسٸ.
«ٷكٸمەتتٸڭ 2019 جىلعى 30 قاڭتارداعى № 27 قاۋلىسىمەن بەكٸتٸلگەن جاستار جىلىن ٶتكٸزۋ جٶنٸندەگٸ جول كارتاسى اياسىندا جىل سايىن نۇر-سۇلتان, الماتى, شىمكەنت قالالارىندا جۇمىسشى جاستار (جاس ماماندار) ٷشٸن كەمٸندە ٷش مىڭ جالعا بەرٸلەتٸن پەتەر سالۋ كٶزدەلگەن. ايتالىق, ەكٸ جىل ٸشٸندە وسى قالالاردا جۇمىس ٸستەيتٸن جاستارعا 4 354 پەتەر بەرٸلدٸ. بيىلعى جىلى تاعى 3 مىڭعا جۋىق پەتەر بەرٸلەتٸن بولادى. بۇل رەتتە, اقپارات جەنە قوعامدىق دامۋ مينيسترٸنٸڭ بۇيرىعىمەن جۇمىس ٸستەپ جٷرگەن جاستارعا ساتىپ الۋ قۇقىعىنسىز جالعا بەرٸلەتٸن تۇرعىنجاي بەرۋ قاعيدالارى (بۇدان ەرٸ – قاعيدالار) بەكٸتٸلدٸ. وعان سەيكەس جاس ازاماتتىڭ تۇراقتى جۇمىس ورنى بولۋعا جەنە مەنشٸگٸندە جىلجىمايتىن مٷلكٸ بولماۋعا تيٸس», - دەلٸنگەن ۆيتسە-پرەمەر جاۋابىندا.
ونىڭ اتاپ ٶتۋٸنشە, ساتىپ الۋ قۇقىعىنسىز جالعا بەرٸلەتٸن تۇرعىن ٷي 5 جىل مەرزٸمگە ۇسىنىلادى. اتالعان جوبانىڭ نەگٸزگٸ ماقساتى - جاستارعا جەكە تۇرعىن ٷي ساتىپ الۋ ٷشٸن باستاپقى جارنانى جيناۋ بويىنشا جاعداي جاساۋ.
«جالعا بەرٸلەتٸن تۇرعىن ٷي العان ازامات بەس جىل ٸشٸندە جەكە تۇرعىن ٷي ساتىپ الۋ ٷشٸن يپوتەكا بويىنشا باستاپقى جارنا سوماسىن جيناقتاۋعا تيٸس. ول ٷشٸن قاعيدالاردا تابىس بويىنشا 40 ايلىق ەسەپتٸك كٶرسەتكٸشتەن (116 680 تەڭگە) تٶمەن ەمەس شەكتەۋ كٶزدەلگەن. اتالعان شەكتٸ 25 اەك-كە (72 925 تەڭگە) دەيٸن تٶمەندەتكەن جاعدايدا, ٶتٸنٸش بەرۋشٸنٸڭ 5 جىل ٸشٸندە جەكە تۇرعىن ٷي ساتىپ الۋ ٷشٸن باستاپقى جارناعا قاجەتتٸ سومانى جيناي الماۋ قاۋپٸ تۋىنداۋى مٷمكٸن», -دەدٸ ەرالى توعجانوۆ.
