بيىل 285 ەلدٸ مەكەندٸ سۋ باسۋ قاۋپٸ بار. بۇل تۋرالى قر تجم تٶتەنشە جاعدايلاردىڭ الدىن الۋ دەپارتامەنتٸنٸڭ باستىعى رٷستەمبەك ەمرين ايتتى, دەپ حابارلايدى قازاقپارات.
«ٶتكەن جىلى اتقارىلعان الدىن الۋ ٸس-شارالار كەشەنٸ جالپى ەل بويىنشا 1 010 ەلدٸ مەكەننٸڭ 158-ٸن قورعاۋ دەڭگەيٸن ارتتىرۋعا مٷمكٸندٸك بەردٸ. بۇل رەتتە قاۋٸپ جويىلعان ەلدٸ مەكەندەردٸڭ سانى 340-قا جەتتٸ جەنە 385 ەلدٸ مەكەن ٷشٸن بارىنشا ازايتىلدى. سۋ باسۋ قاۋپٸ بٷگٸنگٸ كٷنٸ 285 ەلدٸ مەكەندە ساقتالىپ وتىر», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
دەپارتامەنت باستىعىنىڭ دەرەگٸنشە, قازٸرگٸ ۋاقىتتا تٸكەلەي سۋ تاسقىنى الدىندا ەكٸمدٸكتەردٸڭ ەلدٸ مەكەندەردەن قار شىعارۋ, ارىقتار مەن كانالداردى, اۆتوموبيل جەنە تەمٸرجول سۋ ٶتكٸزۋ قۇرىلىستارىن مۇز بەن قوقىستان تازارتۋ, ينەرتتٸ ماتەريالدار قورىن دايىنداۋ بويىنشا جۇمىستارى جالعاسۋدا.
«بٷگٸنگٸ تاڭدا ەلدٸ مەكەندەردەن 5 ميلليون تەكشە مەتردەن استام قار شىعارىلدى. 4 مىڭنان استام كانال مەن 5 مىڭعا جۋىق ارىق, 4 مىڭنان استام اۆتوموبيل جەنە 2 مىڭ تەمٸرجول سۋ ٶتكٸزۋ قۇرىلىستارى تازارتىلدى. 200 مىڭ توننادان استام ينەرتتٸ ماتەريالدار دايىندالدى. حالىقپەن 8 مىڭعا جۋىق جيىن ٶتكٸزٸلدٸ. سۋ تاسقىنى كەزٸندەگٸ ٸس-ەرەكەت ەرەجەلەرٸ بار 40 مىڭنان استام ۇسىنىمدار تاراتىلدى», - دەدٸ رٷستەمبەك ەمرين.
