بيىل 10 مەيٸتتٸڭ اعزاسى 50 قازاقستاندىقتىڭ ٶمٸرٸن ۇزارتتى. بۇل تۋرالى بەلگٸلٸ حيرۋرگ جاقسىلىق دوسقاليەۆ ايتتى, دەپ حابارلايدى "ۇلت اقپارات".
«بٷگٸندە ەلٸمٸزدە 2800-دەن استام ادام بٷيرەك ترانسلانتاتسيياسىن قاجەت ەتەدٸ. ولاردىڭ سانى كٷننەن-كٷنگە كٶبەيە تٷسۋدە. وعان جەتە الماي دٷنيەدەن وزىپ جاتقاندارى دا بار. باۋىر ترانسپلانتاتسيياسىن كٷتٸپ وتىرعان ادام سانى 500-گە جۋىقتايدى. جٷرەككە 110 ادام, ٶكپەگە 15 شاقتى ادام تەۋەلدٸ بولىپ وتىر. بۇل ناۋقاستاردىڭ ٶزٸ عانا ەمەس جانىنداعى وتباسى, تۋعان-تۋىستارى كٷندٸز كٷلكٸدەن, تٷندە ۇيقىدان ايرىلىپ وتىرعانىن تٷسٸنۋٸمٸز كەرەك. بٸز ولارعا كٶمەك كٶرسەتۋگە دايىنبىز. ٷكٸمەت تاراپىنان بارلىعى, قاراجاتى دا دايىن تۇر. ەندٸ زاڭ جٷزٸندە قابىلداساق, العا قاراي ٸلگەرٸلەر ەدٸك», - دەدٸ تانىمال حيرۋرگ حالىق دەنساۋلىعى كودەكسٸنٸڭ جاڭا نۇسقاسى تالقىلاۋعا ارنالعان كەڭەس اياسىندا بەرگەن سۇحباتىندا.
ونىڭ ايتۋىنشا, قازاقستاندا اعزانى تٸرٸ ادامنان دا, مەيٸتتەن دە الۋعا بولادى. بٸراق, اعزا سالىناتىن ادامنىڭ ورگانيزمٸمەن تولىق ساي كەلۋٸ تيٸس.
«وسى جىلدىڭ 11 ايىندا 10 مەيٸتتەن اعزا الىندى. ەر مەيٸتتەن 5 مٷشەدەن الىنىپ, 50 ادامنىڭ ٶمٸرٸ ۇزاردى. مۇنى ارى قاراي دامىتۋىمىز كەرەك. بٸزدە ادام ٶلگەننەن كەيٸن ونىڭ اعزاسى جەر قوينىنا تولىق جەرلەنۋٸ تيٸس دەگەن تٷسٸنٸك بار. مەنٸڭشە, بۇل قاتە ۇعىم. كٶپ بولسا جەر استىندا سول مەيٸت 5 جىلداي عانا بولىپ, ودان كەيٸن بۇزىلادى. تەك سٷيەگٸ قالادى. سونى تٷسٸنۋٸمٸز قاجەت», - دەدٸ ول.
جاقسىلىق دوسقاليەۆتٸڭ دەرەگٸنشە, ەلەمدە دامىعان ەلدەردٸڭ ٸشٸندە يسپانييادا اعزا ترانسپلانتالوگيياسى بٸرشاما جاقسى دامىعان.
«بۇل ەلدە بٸر ميلليون ادامعا 14, بٸزدە 0,06 ادام عانا. ياعني, جوقتىڭ قاسى. ال ەلٸمٸزدە 4 مىڭنان استام ادام اعزا ترانسپلانتاتسيياسىنا مۇقتاج بولىپ وتىر», - دەدٸ ج.دوسقاليەۆ.
ايتا كەتەيٸك, ەلورداداعى استانا مەديتسينا ۋنيۆەرسيتەتٸندە قر دەنساۋلىق ساقتاۋ مينيسترٸ ەلجان بٸرتانوۆ حالىق دەنساۋلىعى كودەكسٸنٸڭ جاڭا نۇسقاسى تالقىلاۋعا ارنالعان كەزدەسۋ ٶتكٸزٸپ جاتىر.
