فوتو: Gov.kz
مەملەكەت باسشىسى قاسىم-جومارت توقاەۆتىڭ قىرعىز رەسپۋبليكاسىنا رەسمي ساپارى اياسىندا بٸشكەك قالاسىندا ٸٸٸ قازاق-قىرعىز ٶنەرلٸ جاستار فورۋمى ۇيىمداستىرىلدى. بيىل فورۋم شىعارماشىل جاستار اراسىنداعى تسيفرلىق جەنە يننوۆاتسييالىق ىنتىماقتاستىقتى دامىتۋعا ارنالدى, دەپ حابارلايدى Ult.kz.
جيىن قوس حالىقتىڭ تاريحى مەن مەدەنيەتٸن زەرتتەۋدەگٸ شوقان ۋەليحانوۆتىڭ ەڭبەگٸ تۋرالى «چوكان ۆاليحانوۆ: تارىحتىن جارىك جىلدىزى» اتتى دەرەكتٸ فيلمٸنٸڭ تۇساۋكەسەرٸنەن باستالدى.
ٸس-شاراعا قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا, قىرعىز رەسپۋبليكاسىنىڭ مەملەكەتتٸك حاتشىسى مارات يمانقۇلوۆ, سونداي-اق ەكٸ ەلدٸڭ مەدەنيەت, عىلىم جەنە شىعارماشىلىق سالاسىنىڭ ٶكٸلدەرٸ مەن زييالى قاۋىم قاتىستى.
ايدا بالاەۆا شوقان ۋەليحانوۆ ەڭبەكتەرٸنٸڭ قازاق-قىرعىز تاريحىنداعى ورنىن ەرەكشە اتاپ ٶتتٸ.
«ەلەمگە ەيگٸلٸ «ماناس» داستانى قىرعىز ۇلتىنىڭ بويتۇمارى بولسا, ونى العاش رەت قاعازعا تٷسٸرٸپ, كٶپكە ناسيحاتتاۋدا شوقان ۋەليحانوۆتىڭ ەڭبەگٸ زور. سونداي-اق ونىڭ «ىستىقكٶل كٷندەلٸگٸن» – قازاق-قىرعىز بٸرلٸگٸنٸڭ عىلىم مەن رۋحانيياتتاعى جارقىن كٶرٸنٸسٸ. قىرعىز باۋىرلارىمىز تٷسٸرگەن بٷگٸنگٸ «چوكان ۆاليحانوۆ: تارىحتىن جارىك جىلدىزى» دەرەكتٸ فيلمٸ تاريحي ەرٸ مەدەني قۇندىلىعى زور, ماعىنالى تۋىندى بولادى دەپ سەنەمٸن», - دەدٸ مينيستر.
قىرعىز رەسپۋبليكاسىنىڭ مەملەكەتتٸك حاتشىسى مارات يمانقۇلوۆ ەكٸ ەلگە ورتاق تاريحي تۇلعالاردىڭ ماڭىزىنا توقتالدى.
«قىرعىزستان مەن قازاقستان تاريحىندا اباي قۇنانباەۆ, شوقان ۋەليحانوۆ, جامبىل جاباەۆ, مۇحتار ەۋەزوۆ, شىڭعىس ايتماتوۆ سىندى ۇلى تۇلعالار بار. ولار مەدەني جەنە رۋحاني دەستٷرلەر ارقىلى قوس حالىقتىڭ بٸرلٸگٸ مەن باۋىرلاستىعىنا زور ٷلەس قوستى. دەل وسى قايراتكەرلەر بٷگٸنگٸ جاستارعا شابىت بەرٸپ, ولاردى جاسامپازدىق جولىن جالعاستىرۋعا جەتەلەپ كەلەدٸ», – دەدٸ ول.
فورۋم اياسىندا قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا قىرعىز رەسپۋبليكاسىنىڭ مەدەنيەت, اقپارات جەنە جاستار ساياساتى مينيسترٸ ميربەك مامبەتاليەۆپەن كەزدەسٸپ, مەدەني-گۋمانيتارلىق ەرٸپتەستٸكتٸ دامىتۋ مەسەلەلەرٸن تالقىلادى.
بۇدان بٶلەك, فورۋم كرەتيۆتٸ يندۋسترييا مەن تسيفرلاندىرۋ مەسەلەلەرٸنە نازار اۋداردى. «جاڭا بۋىن AI-ستارتاپتارى: جەرگٸلٸكتٸ يدەيادان جاھاندىق نارىققا» جەنە «Ed-tech جوبالارى: جاڭا سىن-قاتەرلەر» تاقىرىپتارىندا پانەلدٸك سەسسييالار ٶتكٸزٸلدٸ. وعان 300-دەن استام جاس IT-كەسٸپكەرلەر, ستارتاپشىلار, باعدارلاماشىلار, بلوگەرلەر مەن مەديا ماماندار قاتىستى.
